काठमाडौं । निजामती कर्मचारीका ७ सय २ जना छोराछोरीले नेपाल सरकारको तर्फबाट छात्रवृत्ति पाउने भएका छन् । संघीय मामिला तथा सामान्य प्रशासन मन्त्रालयले असार १७ गते सूचना प्रकाशन गदैं निजामती कर्मचारीका ७ सय २ जना छोराछोरी अध्ययनको लागि छात्रवृत्तिमा छनौट भएको जनाएको छ ।

इन्जिनियर, चिकित्सा शिक्षा, व्यवस्थापन, विज्ञान, सूचना प्रविधि, वन विज्ञान, कानून आदि लगायतको संकायमा स्नातक स्तरमा अध्ययन गर्ने निजामती कर्मचारीका छोराछोरी छात्रवृत्तिका लागि छनौट भएको मन्त्रालयले जनाएको छ । निजामती कर्मचारीका सन्तानलाई शैक्षिक प्रोत्साहन वृत्ति उपलब्ध गराउने सम्बन्धी निर्देशिका, २०७८ अनुसार सो छात्रवृत्ति नेपालको शैक्षणिक संस्थामा स्नातक वा सो सरहको अध्ययन गरेको निजामति कर्मचारीको छोराछोरीले प्राप्त गर्नेछ ।

निर्देशिकाअनुसार १ लाख भन्दा कम शुल्क लाग्ने शैक्षिक कार्यक्रम अध्ययन गरेको विद्यार्थीले पुरै शुल्क र बढीमा ५ लाख सम्म छात्रवृत्ति पाउने व्यवस्था रहेको छ । त्यसरी छात्रवृत्ति प्राप्त गर्नको लागि नेपाली विश्वविद्यालय वा त्यसको आंगिक वा सम्बन्धन क्याम्पसमा भर्ना भई अध्ययन गरेको हुनुपर्ने व्यवस्था रहेको छ । त्यस्तै निर्देशिका बमोजिम २५ वर्ष उमेर पुरा नभएको र सार्वजनिक सेवामा जागिर नखाएको निजामती कर्मचारीको छोराछोरीले मात्रै त्यस्तो सुविधा प्राप्त गर्न सक्छन् ।

छनौट भएका विद्यार्थीलाई छात्रवृत्तिको लागि सहजिकरण गर्न मन्त्रालयले असार १९ गते सम्बन्धित कलेजहरुलाई परिपत्र जारी गर्दै अनुरोध गरिएको मन्त्रालयका शाखा अधिकृत आनन्दरामा श्रेष्ठले बताएका छन् । मन्त्रालयकाअनुसार यसरी निजामती कर्मचारीको छोराछोरीको लागि छात्रवृत्तिवापत झण्डै १० करोड रकम विनियोजन हुनेछ ।

सम्बन्धित शिषर्कहरु

महासंघमा संयोजकको जिम्मा सापकोटालाई, प्राथमिकतामा व्यवसायीका समस्या समाधान

ऐसले फर्निचर शोरुम अब नेपालमा, नयाँ युगको शुरुवात गर्ने (फोटो फिचरसहित)

फास्ट ट्रयाक तोकिएकै समयमा बन्छ, लागत बढेको छैनः प्रधान सेनापति

सचिव मरासिनीसहित ८ जनाले पाए सफाइ, सुनिल पौडेल दोषी ठहर

फास्ट ट्रयाक समयमै सम्पन्न गर्न समितिको सरकारलाई निर्देशन

बन्द भएका उद्योग सञ्चालन गर्न सरकारले नयाँ नीति ल्याउँछ : मन्त्री भण्डारी