काठमाडौं । दैनिक २४ सय नेपालीले राहदानीको लागि आवदेन गर्ने गरेको राहदानी विभागले जनाएको छ ।

आइतबार एक प्रेस विज्ञप्ति जारी गर्दै विभागले अहिले विभागमा दैनिक रुपमा २४ सय जनाले राहदानीको लागि आवेदन गर्ने गरेको र ५ हजारभन्दा बढी सेवाग्राहीलाई विभागले सेवा प्रदान गर्ने गरेको बताएको छ ।

साथै विभागले अहिले दैनिक ६ हजार ५ सय राहदानी उत्पादन गरेर वितरणको व्यवस्था मिलाएको जनाएको छ ।

उपत्यका बाहिरकाले अब १० देखि १५ दिनमा राहदानी पाउने

उपत्यका बाहिरका राहदानी आवेदकहरुले अब १० देखि १५ दिनमा राहदानी पाउने भएका छन् । जिल्लाहरुबाट आवेदन भएकाहरुलाई प्रत्येक हप्ता छपाई गरी पठाउने व्यवस्था मिलाएकोले उपत्यका र काभ्रे जिल्लाका आवेदकहरुले १ हप्तामा र अन्य जिल्लाका आवेदकहरुले १० देखि १५ दिनमा राहदानी प्राप्त गर्ने विभागले जनाएको छ ।

त्यस्तै विभागले प्रत्येक दिन २४ सय जनाले वेबसाइटबाट आवेदन फारम भर्न सक्ने, १ देखि ४ दिनमा बुझाउन सक्ने र त्यसको २ दिनमा राहदानी प्राप्त गर्न सक्ने जनाएको छ ।

सम्बन्धित शिषर्कहरु

बागमती प्रदेशमा बोलिने सबै भाषाभाषीको संरक्षण हुन्छ : मन्त्री श्रेष्ठ

बागबजारबाट वैदेशिक रोजगारीमा पठाइदिन्छु भन्दै ४१ लाख ठगी गर्ने पक्राउ

यो वर्ष श्रम मन्त्रालयको खर्च ३४.१७ प्रतिशत मात्रै

जलवायु परिवर्तनले फैलिँदै मलेरिया, अफ्रिकामा कहिल्यै निर्मूल भएन

धरहराको कम्पाउन्डमा सिसै सिसाको प्रतिक्षालय (तस्बिरहरु)

नेपाल र कतारबीचको समझदारी ऐतिहासिक छन् : राजदूत ढकाल