काठमाडौं । सफ्ट्वेरिका कलेज अफ आइटी एन्ड ईकमर्सका दस जना विद्यार्थी अवलोकन भ्रमणका लागि बेलायत पुगेका छन् ।  सफ्ट्वेरिका कलेजले बेलयात स्थित कोभेन्ट्री विश्व विद्यायलको आइटी पाठ्यक्रम काठमाडौंको अध्यापन गराइरहेको छ ।

विद्यार्थीहरुले कोभेन्ट्री विश्वविद्यालयको भ्रमण गर्ने, विभिन्न विश्वविद्यालय लेक्चर कक्षामा भाग लिने तथा कार्यशालाहरुमा सहभागी हुने कलेजका अध्यक्ष विज्ञान श्रेष्ठले जानकारी दिए ।विद्यार्थीहरुले यात्राका बेला लन्डन आई टावर ब्रिज, लन्डन म्यूजियम लगायत बेलायतका प्रमुख पर्यटकीय स्थलहरू अवलोकन गर्ने तालिका रहेको श्रेष्ठले बताए।

१० दिनका लागि लगिएको उक्त भ्रमणमा आवतजावतको टिकट, बसोबास लगायतका सम्पुर्ण खर्च कलेज नै गरेको बिजनेस डाइरेक्टर अमृत थापाले जानकारी दिए ।

विभिन्न कार्यक्रमहरूमा कलेजको प्रतिनिधित्व गर्ने, जिज्ञासु र उत्कृष्ट प्रस्तुतीकरण क्षमता भएका र पारस्परिक कौशल भएका एवं प्रत्येक मोड्युलमा न्यूनतम ९० प्रतिशत उपस्थिति र पढाईमा लगनशील विद्यार्थी छनौट गरिएको कलेज प्रमुख प्रमोद पौडेलले जानकारी दिए।

‘आगामी दिनमा पनि हरेक वर्ष यस्ता भ्रमणको आयोजना गरिने छ,’ थापा थप्छन् ‘भ्रमणमा सहभागी विद्यार्थीहरूले इन्टरन्यासनल एडुकेसनका साथै इन्टरन्यासनल एक्स्पोजर पनि पाउनेछन् ।’

जुन १९ बेलायत निस्केको टोलि जुन २९ मा नेपाल फर्कने छन् । यस भ्रमणमा कलेजका २६ र २७ ब्याच सहभागी भएको र ब्याच २८, २९ र ३०ं का विद्यार्थी पनि भ्रमणमा जाने तयारीमा रहेका छन् । भ्रमणमा कलेजका तर्फबाट डाइरेक्टरहरु अमृत थापा र मनोज कुमार श्रेष्ठ, कलेज प्रमुख प्रमोद पौडेल र एकेडेमीक अपरेसन हेड अच्युत तिम्सिना सहभागी छन् ।

सम्बन्धित शिषर्कहरु

विश्वविद्यालय दलीय राजनीतिबाट मुक्त नगरेसम्म शिक्षा क्षेत्रको विकास हुँदैन : मन्त्री श्रेष्ठ

भिसीको नियुक्ति प्रक्रियाबाट भए पनि अझै पूर्ण भइसकेको छैन : प्रधानमन्त्री

प्राज्ञिकद्वारा प्रधानमन्त्री दाहाललाई धन्यवाद : ‘मेरिटोक्रेसी लागू गर्नुभयो, खुसी छौँ’

बढ्दो प्रविधिमैत्री शिक्षा, शिक्षकलाई चुनौती

पढ्ने उमेरका बालबालिकालाई विद्यालयमा भर्ना गर्न प्रधानमन्त्रीको आह्वान

वैशाख २ गतेदेखि भर्ना : सबै जिल्लामा पुर्‍याइयो पाठ्यपुस्तक