२०७९ असार ६ गते ९:५२ विकासन्युज
काठमाडौं । महालक्ष्मी लाइफ इन्स्योरेन्सका संस्थापक सेयरधनीले आगामी ४ दिनभित्र भने बमोजिमको रकम थपिसक्नु पर्ने भएको छ । असार ६ गते एक सूचना जारी गर्दै इन्स्योरेन्सले पुँजी वृद्धिको लागि संस्थापक सेयरधनीहरुलाई थप ५० प्रतिशत रकम जम्मा गर्न असार ९ गतेसम्मको समय म्याद रहेको जानकारी गराएको हो ।
इन्स्योरेन्सले असार ६ गते एक सूचना जारी गर्दै सो जानकारी गराएको हो । रकम थप्नको लागि इन्स्योरेन्सले संस्थापक सेयरधनीलाई एक महिनाको समय दिएको छ । इन्स्योरेन्सका अनुसार उनीहरुले आगामी असार १० गतेभित्र रकम बुझाइसक्नुपर्ने छ ।
यसको लागि साविक संस्थापक सेयरधनीले महालक्ष्मी लाइफको वेवसाइटमा गई सेयर लगानी फारम भर्नुपर्ने छ । र, ३ वटा बैंक (सिद्धार्थ, एनआईसी एशिया र माछापुच्छ्रे) मध्ये कुनै बैंक खातामा रकम जम्मा गर्न सक्नेछन् ।
उक्त फारम र रकम बुझाएको भौचर सेयरधनीले आगामी असार ९ गतेभित्र कम्पनीको प्रधान कार्यालय काठमाडौंको कमलपोखरीमा बुझाउनु पर्ने इन्स्योरेन्सले जनाएको छ ।
बीमा समितिले जीवन बीमा कम्पनीको चुक्ता पुँजी न्यूनतम ५ अर्ब रुपैयाँ तोकिदिए पछि इन्स्योरेन्सले पुँजी वृद्धिको प्रकृया बढाएको हो ।हाल इन्स्योरेन्सको चुक्ता पुँजी १ अर्ब ४० करोड रुपैयाँ छ । संस्थापक सेयरधनीले थप ५० प्रतिशत रकम थपेपछि इन्स्योरेन्सको चुक्ता पुँजी २ अर्ब १० करोड रुपैयाँ पुग्नेछ । त्यसपछि कम्पनीले ३० प्रतिशत आईपीओ जारी गर्ने छ ।
Copyright © 2024 Bikash Media Pvt. Ltd.