काठमाडौं । चालु आर्थिक वर्षको दश महिनाको अवधिमा पर्यटन उद्योगमा २२ अर्ब रूपैयाँ बढी लगानी थपिएको छ । उद्योग विभागले सार्वजनिक गरेको गत साउनदेखि बैशाख १५ गतेसम्मको तथ्यांक अनुसार स्वदेशी लगानीका ४१ उद्योगमा २२ अर्ब १६ करोड ३९ लाख रुपैयाँ बराबरको लगानी थपिएको हो ।

नयाँ लगानी थप्नेमा सूर्य नेपाल पनि रहेको छ । सूर्य नेपाल प्रालिले उद्योग विभागबाट करिब ६ अर्ब रुपैयाँ बराबरको लगानी स्वीकृत लिएको छ । कम्पनीले सूर्य नेपाल होटल एण्ड रेष्टुरेन्ट बनाउनका लागि ५ अर्ब ९९ करोड ६० लाख रुपैयाँ बराबरको लगानी स्वीकृत पाएको हो ।
विभागमा दर्ता भएअनुसार काठमाडौंको बुढानिलकण्ठ नगरपालिका ३ र ६ वडामा १९० बेडको होटल र ४६५ सिट क्षमताको रेष्टुरेन्ट निर्माण गर्ने जनाएको छ । स्वदेशी लगानीमा निर्माण हुन लागेकोे उक्त होटलले ३०६ जनालाई रोजगारी दिनेछ ।

यस्तै, काठमाडौं महानगरपालिका ७ मा रहेको गोपीकृष्ण सेन्ट्रल कम्प्लेक्स प्रालिले पनि २ अर्ब ५० करोड लगानी स्वीकृति पाएको छ । स्वदेशी लगानीमा सो कम्प्लेक्सले २५० बेड र ४०० सिट क्षमताको रेष्टुरेन्ट सञ्चालन गर्न भन्दै थप लगानी स्वीकृत गरेको हो ।

उद्योग विभागबाट २०७८ को मंसिर १४ गते उक्र लगानी स्वीकृत भएको हो । २ अर्ब ४१ करोड ५५ लाख स्थीर पुँजी र ८ करोड ४५ लाख चालु पुँजी रहेको छ भने १९८ जनालाई रोजगारी दिनेछ ।

यस्तै, विभागको तथ्यांक अनुसार नेपाल इन्टरनेशनल हस्पिटालिटी प्रालिले मोरङमा होेटल बनाउन १ अर्ब ३० करोड रुपैयाँ बराबरको लगानी स्वीकृती पाएको छ । विराटनगर ५ मा स्वदेशी लगानीमा निर्माण हुने उक्त होटलमा ९९ बेड र ४०० सिट क्षमताको रेष्टुरेन्ट निर्माण हुनेछ भने ५० जनालाई रोजगारी दिनेछ ।

ग्रिन भ्यू प्रालिले काठमाडौंमा १ अर्बको लगानीमा ६० बेड क्षमताको होटल बनाउने, दि मेट्रोपोलीटन होटल प्रालिले काठमाडौं ४ मा १ अर्ब ६५ करोड ९६ लाख रुपैयाँ बराबरको लगानीमा १९० बेड क्षमताको होटल र रुपन्देहीको बुटबल ८ मा होटल सेफ्रन सिके प्रालिले होटल बनाउन लगानी स्वीकृति पाएको छ ।

उक्त कम्पनीले १ अर्ब ५० करोड लगानीमा १३० बेड क्षमताको होटल बनाउनेछ ।

होटलमा ११ अर्ब लगानी प्रस्ताव

उद्योग विभागले चालु आर्थिक वर्षको १० महिनामा होटल क्षेत्रमा करिब ११ अर्ब रुपैयाँ बराबरको विदेशी लगानी प्रस्ताव आएको बताएको छ । दश महिनाकोे अवधिमा ६६ वटा उद्योगमा १० अर्ब ७७ करोड ८० लाख रुपैयाँ बराबरको लगानी प्रस्ताव आएको छ ।

उक्त लगानीमध्ये सबैभन्दा धेरै चीनबाट आएको छ । दश महिनाको अवधिमा चीनबाट ५३ उद्योगमा ९ अर्ब ६० करोड ८० लाख रुपैयाँ बराबरको लगानी प्रतिवद्धता आएको हो ।

२७४ उद्योगमा ३ खर्ब लगानी

विभागको तथ्यांक अनुसार चालु आर्थिक वर्षको १० महिनाको अवधिमा करिब ती खर्ब बराबरको स्वदेशी लगानीका उद्योग दर्ता भएको छ । उक्त अवधिमा २७४ स्वदेशी उद्योगमा २ खर्ब ८८ अर्ब २० करोड ९१ लाख ५८ हजार रुपैयाँ लगानी स्वीकृत भएको हो ।

यस्तैगरी दश महिनाको अवधिमा विदेशी लगानीका १६३ वटा विदेशी लगानीका उद्योग दर्ता भएका छन् । उक्त उद्योगका लागि विभागले ३८ अर्ब ५५ लाख ३० करोड रुपैयाँ बढी लगानी स्वीकृत गरेको छ ।

सम्बन्धित शिषर्कहरु

हिमाल हेर्न नेपाल आएका पिटर शैक्षिक उन्नयनमा सक्रिय

मनाङ आउने पर्यटकको रोजाइमा होमस्टे

सगरमाथा चढ्न ३५२ जनाले लिए अनुमति, उठ्यो ५० करोड रोयल्टी

पर्यटकको रोजाइमा घोडेपानी, एक वर्षमा ३१ हजारले गरे भ्रमण

विकास बैंकका सूचक खस्किए, वितरणयोग्य नाफा ध्वस्त

गत वर्ष सडकमार्गबाट चार लाख पर्यटक मुस्ताङ पुगे