२०७९ जेठ १ गते २०:४४ विकासन्युज
काठमाडौं । गोरखाको अजिरकोट गाउँपालिकाको अध्यक्ष र उपाध्यक्ष नेकपा माओवादी केन्द्रले जितेको छ । सो पालिकाको अध्यक्षमा दिपक देवकोटा र उपाध्यक्षमा अनिता भुजेल निर्वाचित भएका हुन् ।
नेपाली कांग्रेसका गोविन्द गुरुङलाई पछि पार्दै देवकोटा निर्वाचित भएका हुन । उनले ३ हजार ७८७ मत ल्याएका थिए भने उनका प्रतिस्पर्धी गुरुङले ३ हजार २८९ मत ल्याएका छन् ।
यस्तै, उपाध्यक्षमा बिजयी बनेकी भुजेलले ३ हजार ५३२ मत ल्याएकी छन् । उनका प्रतिद्धन्द्धी नेपाली कांग्रेसकी उम्मेदवार इन्द्र गुरुङले ३ हजार ३६१ मत ल्याएकी छन् ।
कुल पाँच वटा वडा रहेको उक्त पालिकामा तीन वटा माओवादी केन्द्रले र बाँकी दुई वटा कांग्रेसले जितेको हो । वडा नम्वर १,२,३ मा माओवादी केन्द्र र ४, ५ मा कांग्रेस बिजयी भएका हुन् ।
Copyright © 2024 Bikash Media Pvt. Ltd.
