काठमाडौं । मूल्यवृद्धि उच्च भएपछि भारत सरकारले गहुँ निर्यातमा रोक लगाएको छ । भारतमा उपभोक्ता मुद्रास्फिती बढेर ७.७९ प्रतिशत पुगेपछि सरकारले गहुँ निर्यातमा अल्पकालीन रोक लगाएको हो ।

भारत सरकारले मुलुकभित्र बढ्दो खाद्य सुरक्षा र महँगीलाई ध्यानमा राख्दै निर्यातमा रोक लगाउने निर्णय गरेको विज्ञप्तिमार्फत् प्रष्ट पारेको छ । पछिल्लो समय विभिन्न देशमा रुस र युक्रेनबीचको युद्धका कारण विभिन्न वस्तुको मूल्य बढेको छ ।

हालसालै सार्वजनिक तथ्यांकका अनुसार भारतमा इन्धन र खाद्यान्नको उच्च मूल्यका कारण अप्रिलमा उपभोक्ता मुद्रास्फीति ८ वर्षकै उच्चमा पुगेको देखाएको छ । विश्वव्यापी रुपमा उच्च मागका कारण, २०२१–२२ मा भारतको गहुँको निर्यात बढेर ७० लाख टन वा २.०५ बिलियन अमेरिकी डलर पुगेको छ ।

तथ्यांक अनुसार गत आर्थिक वर्षमा कुल गहुँ निकासीमध्ये करिब ५० प्रतिशत बंगलादेश पठाइएको थियो । गत वर्षको सोही अवधिमा १ लाख ३० हजार टन गहुँ निकासी गरेकोमा यो वर्ष करिब ९ लाख ६३ हजार टन गहुँ निर्यात भएको देखिएको छ ।

भारतले गहुँमा रोक लगाएपछि नेपाललाई केही असर पर्ने देखिएको छ । उसो त अहिले नेपाल पनि उच्च व्यापार घाटा, विदेशी मुद्रा सञ्चितिको कमि र मूल्यवृद्धिको कारण अर्थतन्त्र समस्यामा छ । तर, नेपालमा भारतबाट खाद्यान्न वस्तु उच्च आयात हुन्छ ।

नेपाल कृषि प्रधान देश भने पनि नेपाल भारतको भरमा छ । भारतले गहुँमा रोक लगाएसँगै नेपालको विदेशी मुद्रा सञ्चितिमा केही सुधार आएपनि खाद्यान्नको अभाव भने देखिन सक्छ ।

आर्थिक वर्ष ०७८/७९ मा जिडिपीमा कृषिको योगदान २३ दशमलव ९५ प्रतिशत रहेको छ । यस वर्ष हिउँदे बालीमा गहुँ, धान, मकै जस्ता प्रमुख खाद्यान्न बालीको उत्पादनमा गिरावट आएकाे सरकारी तथ्यांकहरूले देखाएकाे छ । यस कारण पनि भारतकाे याे निर्णय नेपालका लागि समस्या हु्न सक्छ ।

भन्सार विभागका अनुसार नेपालले वर्षेनी ५० अर्ब बराबरको खाद्यान्न आयात गर्छ । यसमा गहुँ मात्रै करिब १० अर्ब रूपैयाँको आयात हुन्छ ।

सम्बन्धित शिषर्कहरु

उपनिर्वाचनको मौन अवधि आज रातिदेखि सुरु, प्रचारप्रसार गर्न निषेध

चिया निर्यातमा भारतीय अवरोध हट्यो

जापानको मानवरहित चन्द्रमा ल्यान्डर तेस्रो चन्द्र रातसम्म जीवित

एआईको प्रयोगले सन्तोषजनक छैन विश्वमा मानव अधिकारको अवस्था

प्राधिकरणको आम्दानीबाट विद्युत सहुलियत धान्न सम्भव छैन : घिसिङ

पार्किन्सन रोगका कारण वार्षिक ७ सयको मृत्यु, कसरी गर्ने उपचार ?