साहारा एपका ग्राहक र राइडरलाई ग्रीनसिटी अस्पतालमा विशेष छुट
२०७८ माघ १२ गते १३:३६ विकासन्युज
काठमाडौं । अब साहारा एपका ग्राहक तथा राइडरले स्वास्थ्य उपचारमा ग्रिनसिटी अस्पतालमा विशेष छुट पाउने भएका छन् ।
विजनेश ग्रोथ कम्पनीद्धारा सञ्चालित साहारा एपका राइडर तथा ग्राहकले बसुन्धराको ग्रिनसिटी अस्पतालमा १५ प्रतिशतसम्म उपचारमा छुट पाउने भएका हुन् । अस्पतालले प्रदान गर्ने सेवाको प्रकार अनुसार उनीहरुले छुट पाउनेछन् ।
मंगलबार साहारा एपका अध्यक्ष शेखर श्रेष्ठ र ग्रिनसिटी अस्पतालका बजार प्रबन्धक श्रीकृष्ण विडारीले छुट सम्झौतामा हस्ताक्षर गरेका छन् । बुधबारबाट नै यो छुट सेवा लागु हुने बिडारीले बताए ।
कम्पनीका अनुसार साहारा एपमा दर्ता भएका ग्राहक तथा राइडरले उक्त एपमा भएको आफ्नो जानकारी अस्पतालमा दिएपछि छुट पाउने छन् ।
शुन्य कमिसनमा सेवा दिइरहेको साहारा एपले ग्राहक तथा राइडरको पहिलो रोजाईमा पर्ने गरेको छ । यस अघि कम्पनिले अजोड इन्सोरेन्ससँग इन्सुरेन्स सम्बन्धी सम्झौता गरिसकेको छ । ग्राहक तथा राइडरले ६ लाखसम्मको इन्स्योरेन्स सुविधा पाउने कम्पनीका सिइओ विशाल जिसीले जानकारी दिए ।
सम्बन्धित शिषर्कहरु
Copyright © 2024 Bikash Media Pvt. Ltd.