काठमाडौं । नेपालको प्रिमियम रम ब्राण्ड खुकुरीले नयाँ प्रोडक्ट ‘खुकुरी स्पाइस्ड रम’ बजारमा सार्वजनिक गरेको छ । विगत ६० वर्षदेखि खुकुरीले ‘खुकुरी ट्रिपल एक्स रम’ नेपालका साथै अन्तर्राष्ट्रिय बजारमा बिक्री गर्दै आएको छ ।

रमका पारखीहरुले विभिन्न मसलाजन्य पदार्थको मिश्रण गरी त्यसलाई स्पाइस्ड बनाएर पिउने गरेकाे कुरालाई ध्यानमा राखी खुकुरीले उत्कृष्ट समीश्रणबाट ‘खुकुरी स्पाइस्ड रम’ तयार पारेकाे जनाएकाे छ ।

यसअघिका वर्षहरुमा जापान र कोरियामा ‘खुकुरी स्पाइस्ड रम’ निर्यात हुने गरेको थियो । कम्पनीकाे अनुसार त्यहाँ निकै नै रुचाइएको गुणस्तरीय उत्पादन नै अहिले नेपाली बजारमा ल्याइएको हो ।

यो नयाँ स्वादको रम बजारमा उतार्नुअघि नेपालका विभिन्न क्षेत्र र विशेष गरी बुटवल र भैरहवामा ट्रायल गरिएको थियो । विशेष गरी ‘खुकुरी स्पाइस्ड रम’ निट वा कोलासँग पिउन ग्राहकहरुले औधी मन पराएको कम्पनीकाे दावी छ ।

प्रिमियम ‘खुकुरी ट्रिपल एक्स रम’को तुलनामा विभिन्न थप उत्कृष्ट पदार्थ प्रयोग हुने र उत्पादनको प्रक्रिया समेत लामो र केही फरक हुने भएकोले ‘खुकुरी स्पाइस्ड रम’को बजार मूल्य केही बढी हुने उत्पादक कम्पनी ‘द नेपाल डिस्टीलरिज’का महाप्रबन्धक सुभास लामिछानेले बताए ।

चालु आर्थिक वर्षमा बढीमा ६ देखि ७ हजार केससम्म मात्र ‘स्पाइस्ड रम’ बजारमा पठाउन सकिने लामिछानेले जानकारी दिए ।

सम्बन्धित शिषर्कहरु

बोल्टका लागि जगदम्बा मोबाइल्स नेपालको आधिकारिक वितरक नियुक्त

स्विच अन रिटेलको तेस्रो शोरुम नेपालगञ्जमा

हजारौँ युवा पलायन भइरहँदा स्ट्रबेरी खेतीबाट वार्षिक ४० लाख नाफा गर्दै काभ्रेका मुक्ति

जेसीबी इन्डियाले एक्साभेटरमा ५ वर्ष वारेन्टी दिने, ल्यायो नयाँ योजना

सिभिल मलमा खुल्यो ‘चिया अड्डा’को छैटौं आउटलेट

सुनको मूल्यले बनायो नयाँ रेकर्ड, तोलाको कति पुग्यो ?