काठमाडौं । नबिल बैंक र नेपाल बङ्गलादेश (एनबी) बैंकबीच एक्विजिसन सम्बन्धी प्रारम्भिक सम्झौता भएको छ । दुवै बैंकको सञ्चालक समितिको बैठकले उक्त एक्विजिसन (प्राप्ति) सम्बन्धी सम्झौता सर्वसम्मतिले पारित गरेको हो ।

सम्झौतापत्रमा नबिल बैंकको तर्फबाट उदय कृष्ण उपाध्यायले हस्ताक्षर गरेका थिए भने एनबी बैंकका तर्फबाट सञ्चालक इन्द्रबहादुर थापाले हस्ताक्षर गरेका थिए । उक्त समझदारी पत्र अनुसार नेपाल बङ्गलादेश बैंकको १०० कित्ता सेयर बराबर नबिलको ४३ कित्ता हुने गरी सेयर आदानप्रदान अनुपात (स्वाप रेसियो) कायम भएको छ । सो प्रारम्भिक सेयर आदान प्रदान अनुपात सम्पत्ति दायित्व मूल्याङ्कन प्रतिवेदनको मूल्याङ्कनलाई समेत आधार मानी अन्तिम रुपमा तय हुनेछ ।

दुबै बैकले नेपाल राष्ट्र बैंकले मर्जर तथा प्राप्तिलाई प्रोत्साहन गर्ने गरी लिएको नीति र बैंकहरुको दीर्घकालीन रणनैतिक योजना समेतलाई मध्यनजर गर्दै सम्झौता गरेर अघि बढेका छन् । ब्राण्डका हिसाबले अग्रणी स्थानमा रहेको नबिल बैंकले गैरकोषमा आधारित व्यवसायमा अग्रणी नेपाल बङ्गलादेश बैंकलाई प्राप्ति पश्चात बैंक बाणिज्य बैंकमा सबै सुचकांकहरुमा अग्रणी हुने विश्वास बैंककाे छ ।

बैंकहरुले प्राप्ति कार्य पाँच महिना भित्र सम्पन्न गर्ने लक्ष्य लिएका छन् । तर,  नेपाल बंगलादेश बैंकलाई गाभेपनि पूँजी लगायतका परिसूचकमा अझै पनि  नबिल बैंक वाणिज्य बैंकहरुमा दोस्रो ठूलो बैंक बन्ने देखिएकाे छ ।

नबिल बैंकले मर्जरपछि बैंकको पूँजी २२ अर्ब ५ करोड रुपैयाँ हुने उल्लेख गरेको छ । यता हिमालयन एण्ड नेपाल इन्भेष्टमेन्ट बैंकको पुँजी मर्जरको सम्झौता गर्दा नै २६ अर्ब ९४ करोड रुपैयाँ थियो । बोनस सेयरपछि दुई बैंकको चुक्ता पूँजी अझै बढ्नेछ । पूँजी, कर्जा तथा निक्षेप लगायत परिसूचकमा हिममालयन एण्ड नेपाल इन्भेष्टमेन्ट बैंक अगाडि देखिनेछ ।

नबिलले एनबीलाई प्राप्ति पश्चात बैंकको प्राथमिक पुँजी ४३ अर्ब, चुक्ता पुँजी २२ अर्ब ५ करोड, कर्जा रकम ३ खर्ब, निक्षेप रकम ३ खर्ब १४ अर्ब रुपैयाँ हुनेछ । गैरकोषमा आधारित व्यवसायको आकार १ खर्ब ३० अर्ब रुपैयाँ माथी हुने बैंकले जनाएको छ । शाखा संजाल तत्कालै २३५ पुग्नेछन् भने ग्राहक संख्या १६ लाख माथी हुनेछ ।

नबिल र एनबी बैंक दुबैले संयुक्त मर्जर/एक्विजिसन सम्बन्धी समिति गठन गरी उक्त समितिले सिफारिश गरे बमोजिम पुस २९ गते सम्झौता भएको हो ।

यता हिमालयन बैंक र नेपाल इन्भेष्टमेन्ट बैंक पनि मर्जरको अन्तिम तयारीमा छन् । दुवै बैंकले साधारणसभामा मर्जरको विशेष प्रस्ताव पेश गर्दैछन् । नेपाल इन्भेष्टमेन्ट बैंकले माघ ४ गतेका लागि विशेष साधारणसभा बोलाएको छ भने हिमालयन बैंकको साधारणसभा आज (पुस ३० गते) हुँदैछ । दुवै बैंककाे स्वाप रेसियाे १:१ तय भइसकेकाे छ ।

सम्बन्धित शिषर्कहरु

बैंकरका सामू राष्ट्र बैंक स्तब्ध

प्रशान्ति वृद्धाश्रम केन्द्र सुर्खेतलाई सिटिजन्स बैंकको सहयोग

५९० मेगावाटका जलविद्युत आयोजनामा सिटिजन्स बैंकको लगानी, १३ वटा प्रोजेक्टमा नेतृत्व

संस्थापकहरूले ‘स्टार्टअप ब्रान्डिङ’ मा गर्ने यी १० गल्ती जसका कारण डुब्छ व्यवसाय

कुमारी बैंकको ४ लाख ५० हजार कित्ता संस्थापक सेयर बिक्रीमा, न्यूनतम मूल्य कति ?

यी हुन् लगानी सम्मेलनमा निजी क्षेत्रबाट सोकेस गरिने ३१ परियोजना, कुन क्षेत्रबाट कति ?