२०७८ पुष २९ गते १५:१४ विकासन्युज
काठमाडौं । बिहीबारको नेप्से परिसूचक ५४.१२ अंकले उकालो लागेको छ । परिसूचक बुधबारको तुलनामा १.९३ प्रतिशतले बढेर २८५७.७५ बिन्दुमा पुगेको हो ।
अघिल्लो दिनको तुलनामा परिसूचकमा सुधार देखिए पनि कारोबार रकम भने घटेको छ । बिहीबारको सेयर कारोबार ६ अर्ब ६६ करोड रुपैयाँमा सीमित भएको छ । जुन अघिल्लो दिनको तुलनामा एक अर्ब ३७ करोड रुपैयाँले घटी हो । बुधबारको बजारमा ८ अर्ब ३ करोड रुपैयाँ बराबरको सेयर किनबेच भएको थियो ।
बजारमा सबैभन्दा बढी अपर तामाकोशीको सेयर कारोबार भएको छ । कम्पनीको एकैदिन ३४ करोड ३१ लाख रुपैयाँ बराबरको सेयर किनबेच भएको छ ।
Copyright © 2024 Bikash Media Pvt. Ltd.