२०७८ मंसिर २२ गते १२:२० विकासन्युज
काठमाडौं । नेपाल पुनर्बीमा कम्पनी (एनआरआईसी) ले प्रस्तावित लाभांश वितरण गर्न स्वीकृति पाएको छ । नेपाल सरकारले हालै मंसिर २० गते कम्पनीको १९ प्रतिशत लाभांश वितरण गर्ने प्रस्तावलाई स्वीकृति दिएको हो ।
इन्स्योरेन्सले आर्थिक वर्ष २०७६/७७ को नाफाबाट चुक्ता पुँजीको १६.५० प्रतिशत बोनस र २.५० प्रतिशत नगद लाभांश वितरण गर्ने प्रस्ताव गरेको हो । प्रस्तावित लाभांशलाई समिति तथा नेपाल सरकारले स्वीकृति दिएसँगै अब कम्पनीको आगामी वार्षिक साधारणसभाले पारित गर्नुपर्ने हुन्छ ।
इन्स्योरेन्सले हालसम्म वार्षिक साधारणसभाको मिति भने तय गरेको छैन ।
हाल कम्पनीको चुक्ता पुँजी १० अर्ब रुपैयाँ छ । प्रस्तावित १६.५० प्रतिशत बोनस सेयर पारित पश्चात कम्पनीको चुक्ता पुँजी साढे ११ अर्ब रुपैयाँ नाघ्ने छ ।
Copyright © 2024 Bikash Media Pvt. Ltd.