काठमाडाैं । बाल–विवाह, घरेलु हिंसा, कार्यस्थलमा हुने हिंसा र सार्वजनिक स्थलमा हुने हिंसाविरुद्ध आवाज उठाउनुपर्ने कुरामा विशेष जोड दिँदै जोन्टा क्लब अफ काठमाडौंले लैङ्गिक हिंसा विरुद्ध अभियान शुरु गरेको छ ।

यो अभियान संयुक्त राष्ट्रसंघको लैङ्गिक हिंसा विरुद्धको १६ दिने अभियान (नोभेम्बर २५ – डिसेम्बर १०) सँगै शुरु भएकाे छ ।

महिलाहरु माथि निरन्तर रुपमा हिंसाको घटनाहरु भैराखे पनि इज्जत जोगाउनुपर्ने डर, उजुरी गरिहाले पनि सुनुवाई नहुने र साथ नपाईने डरले उजुरी नगर्ने र ‘कहिलेकाँही यस्तो भैहाल्छ नि, एकचोटिलाई छोड्देउ’ भनेर लैङ्गिक हिंसाका यस्ता धेरै घटनाहरु सामसुम पारिने गरेका कारण जाेन्टाले यस विषयमा ४ वटा शर्ट फिल्महरु बनाएको छ ।

यी शर्ट फिल्महरुले हिंसा, उत्पीडन र बाल–विवाह कहिल्यै पनि सहनुहुँदैन र यसको विरुद्धमा बोल्नैपर्छ भनेर सन्देश दिन खोजेको जोन्टा क्लब अफ काठमाडौंकी अध्यक्ष सीमा गोल्छाले बताइन् ।

यससँगै जोन्टाले अभियानको एक हिस्साको रुपमा काठमाडौंको विभिन्न सार्वजनिक स्थलहरुमा डिसेम्बर १ देखि सडक नाटक पनि प्रदर्शन गर्दैछ । सामाजिक सन्देश प्रवाह गर्नको लागि सडक नाटकहरु बढी प्रभावकारी हुने सदस्य एवम अधिवक्ता रत्न कार्कीले बताइन् ।

जोन्टा काठमाडौंले हिंसामा परेका महिला र बालिकाहरुको सहयोगको लागि ललितपुर महानगरीय प्रहरीको हेल्पलाइन १०० र अन्य विभिन्न संस्थाहरुसँग पनि सहकार्य गरिरहेको छ । यसको साथै घरेलु हिंसा र कार्यस्थल जन्य हिंसापीडित महिलाहरुलाई कानुनी सल्लाह र सहयोग प्रदान गर्नको लागि जोन्टाले राष्ट्रिय महिला आयोगसँग मिलेर ११४५ नम्बरको हेल्पलाइन पनि खडा गरेको छ ।

जाेन्टाकाे अनुसार उक्त भिडियोहरु सिद्दार्थ बैंक र एमजिको आर्थिक सहयोगमा बनाइएको हाे ।

सम्बन्धित शिषर्कहरु

एक गाग्री पानीका लागि घण्टौँ हिँड्नुपर्ने, धारा र कुवा सुक्दै

हिन्दू धर्मावलम्बीले आज राम नवमी मनाउँदै

मिथिलामा वासन्ती छठ मनाइँदै

गहिरिँदै पानीको संकट, सुक्दै मुहान

द्वारिका काफ्लेको नेतृत्वमा फोटो पत्रकार क्लबको नयाँ कार्यसमिति चयन

काठमाडौंका १८ वटा सम्पदा संरचनाको सम्पूर्ण जानकारी अब क्युआर कोडबाटै लिन सकिने