काठमाडौं । नेपाल राष्ट्र बैंकले चालु आर्थिक वर्षको मौद्रिक नीतिको पहिलो त्रैमासिक समीक्ष यसै साताभित्र गर्दैछ । प्रत्येक तीन महिनामा मौद्रिक नीतिको समीक्षा गर्ने प्रचलन अनुसार यो वर्षको पहिलो त्रैमासको समीक्षा पनि यही साताभित्रै गर्न लागिएको हो ।

नेपाल राष्ट्र बैंकका अनुसार यही साता भित्र मौद्रिक नीतिको पहलिो त्रैमासको समीक्षा हुनेछ । धेरे पहिलो त्रैमासको समीक्षा मार्फत नेपाल राष्ट्र बैंकले नीतिगत सहजतासँगै केही प्याकेजको पनि अपेक्षा गरेका छन् ।

विशेष गरेर ठूला सेयर लगानीकर्ताले मार्जिन प्रकृतिको सेयर धितोमा ४/१२ करोडको सीमा खारेज र बैंकहरुले कर्जा–निक्षेप अनुपात (सीडी रेसियो)को व्यवस्था पुनरावलोकन चाहेका छन् ।

राष्ट्र बैंकले चालु आर्थिक वर्षको मौद्रिक नीतिमार्फत मार्जिन प्रकृतिको सेयरधितो कर्जामा एउटा व्यक्ति वा फर्मलाई एउटा बैंक वा वित्तीय संस्थाबाट बढीमा ४ करोड र सबै बैंक वित्तीय संस्थाबाट बढी १२ करोड रुपैयाँसम्म मात्रै लिन पाइने नीतिगत व्यवस्था गरेको थियो । यो व्यवस्थाले सेयर बजारमा पूँजीको अभाव भएकोले बजार घटेको आरोप लगानीकर्ताको छ ।

अहिले चौतर्फि रुपमा यो नीति खारेज तथा पुनरावलोकन हुनु पर्ने माग छ । लगानीकर्ताले यो व्यवस्था खारेज हुनु पर्ने माग राखे पनि राष्ट्र बैंक भने आफ्नो नीतिमा अडिक देखिएको छ ।

विशेष गरेर नेपाल राष्ट्र बैंकका गभर्नर महाप्रसाद अधिकारी ४/१२ करोडको नीतिलाई पुनरावलोकन गर्ने ानसायमा देखिँदैनन् । उनले विभिन्न सार्वजनिक कार्यक्रममा पनि यस्ता व्यवस्थाहरुले समग्र बैंकिङ प्रणालीलाई नै सुदढ तथा नाफा हुने भएकोले यसको आत्मसाथ नगर्नुको विकल्प नभएको बताउँदै आएका छन् ।
नेपाल राष्ट्र बैंक स्रोतका अनसार राष्ट्र बैंक र गभर्नर अधिकारीले पनि ले ४/१२ करोडको व्यवस्था पुनरावलोकन गर्न तयार छैनन् ।

‘अहिले बजारमा हट केकका रुपमा सेयर धितोमा ४÷१२ करोडको व्यवस्थाको विषय बनेको छ, बजारमा भइरहेको वहसलाई छलफलको विषय हामीले बनाउनु त पर्छ नै, तर यो व्यवस्थालाई पुनरावलोकन अर्थात खारेज नै गर्नु पर्छ भन्ने विषयमा न राष्ट्र बैंकले सोचेको छ नत गभर्नरज्यू नै त्यस्तो मनसायमा हुनुहुन्छ, उहाँ (गभर्नरज्यू) यस विषयमा सेल्प कन्भिन्स देखिनुहुन्छ,’ राष्ट्र बैंक स्रोतले भन्यो ।

नेपाल राष्ट्र बैंकका सहप्रवक्ता नारायण प्रसाद पोखरेलले पनि यस विषयमा खासै छलफल नभएको बताए । बजारमा चलिरहेको विषयमा हामीले छलफलको विषय बनाउनु स्वभाविक नै हो, तर, के गर्ने ? कस्तो गर्ने ? कसरी जाने ? भन्ने विषयमा केही छलफल भएको छैन,’ उनले भने ।

यता, अर्थमन्त्री जनार्दन शर्माले भने बजारमा भइरहेको वहसलाई शान्त पार्नका लागि गभर्नर अधिकारीलाई आग्रह गरिएको बुझिएको छ । केही समय अगाडि अर्थमन्त्री शर्मा र गभर्नर अधिकारीबिच केही टसल परे पनि अहिले भने दुई तिनको फरकमा कुराकानी भइरहेको स्रोतको भनाई । यसले पनि गभर्नरले भनेको विषयमा अर्थमन्त्री सकारात्मक देखिने ठाउँ रहेको स्रोतको भनाई छ ।

बुधबार नेपाल आर्थिक पत्रकार संघ (नाफिज) ले गरेको एक कार्यक्रममा पनि गभर्नर अधिकारीले राष्ट्र बैंकको नीतिलाई केही सीमित व्यक्तिलाई नोक्सान भएपनि समग्र बैंकिङ प्रणालीलाई फाइदा हुने बताए ।

‘हामीले नीतिकै माध्यमबाट प्रणाली बचाउने हो, अहिले पनि बचाएका छौं, यसलाई सबैले बुझ्न आवश्यक छ, हाम्रो नीतिको कारण केहीलाई समस्या परे पनि सम्पूर्ण प्रणालीका लागि राम्रो छ,’ उनले भने ।

सम्बन्धित शिषर्कहरु

सिद्धार्थ बैंकद्वारा पृथ्वी दिवसको उपलक्ष्यमा विभिन्न कार्यक्रम आयोजना

एनएमबी बैंक जीवाश्म इन्धनको अन्त्य गर्ने विश्वव्यापी आह्वानमा सामेल

ग्रीन डेभलपमेन्ट बैंकका नवनियुक्त अध्यक्ष श्रेष्ठले लिए शपथ

सिटिजन्स बैंकद्वारा विद्यार्थीलाई विद्यालय पोशाक वितरण

लगानी सम्मेलनअघि ८ कानून संशोधन, लगानीमैत्री वातावरण निर्माण गर्ने प्रयास

नेप्सेमा एक वाणिज्य बैंकको बोनस सेयर सूचीकृत