२०७८ कार्तिक ३० गते १०:५४ विकासन्युज
काठमाडौं । विजय लघुवित्त वित्तीय संस्थाले गत आर्थिक वर्षको लाभांश घोषणा गरेको छ । संस्थाले आर्थिक वर्ष २०७७/७८ को नाफाबाट सेयरधनीलाई २१.०८५ प्रतिशत लाभांश घोषणा गरेको हो ।
कार्त्तिक २९ गते बसेको सञ्चालक समितिको बैठकले सेयरधनीलाई उक्त आवको नाफाबाट चुक्ता पुँजीको २०.०३१ प्रतिशत बोनस र १.०५४ प्रतिशत नगद (कर प्रयोजनको लागि) गरी कूल २१.०८५ प्रतिशत लाभांश प्रस्ताव गरेको हो । उक्त प्रस्तावलाई नेपाल राष्ट्र बैंकले स्वीकृत तथा संस्थाको आगामी वार्षिक साधारणसभाले पारित गर्नुपर्ने छ ।
प्रस्तावित लाभांश गत ५ वर्ष यताकै उच्च हो । संस्थाले आर्थिक वर्ष २०७३/७४ देखि आर्थिक वर्ष २०७६/७७ को अवधिमा सो मात्राको लाभांश वितरण गरेको थिएन ।
संस्थाले आर्थिक वर्ष २०७६/७७ र २०७५/७६ को नाफाबाट २० २० प्रतिशतको दरले लाभांश वितरण गरेको थियो । त्यस्तै, आर्थिक वर्ष २०७४/७५, २०७३/७४ र २०७२/७३ को नाफाबाट क्रमशः १०.५२६ प्रतिशत, १५ प्रतिशत र २० प्रतिशत लाभांश वितरण गरेको थियो ।
Copyright © 2024 Bikash Media Pvt. Ltd.