२०७८ कार्तिक ९ गते १७:४८ विकासन्युज
काठमाडाैं । बैंकिङ क्षेत्रमा वित्तीय अपराध बढ्दै गएकाे छ । सिन्धु विकास बैंककाे एक शाखा प्रमुखले निक्षेपकर्ताकाे १ कराेड ८० लाख रूपैयाँ निजी खल्तीमा हालेकाे पाइएकाे छ ।
सिन्धु विकास बैंककाे काभ्रे दाेलालघाट शाखा प्रमुख सुमन खरेललाई बैंकिङ्ग कसुरकाे आराेपमा केन्द्रिय अनुसन्धान व्युराेले पक्राउ गरेकाे छ । ३१ वर्षिय खरेल काभ्रे जिल्लाकाे भुल्लु गाउँपालिका वडा नम्बर ९ निवासी हुन् ।
खरेलले बैंककाे दैनिक काराेबारकाे रकम सिन्धुपाल्चाेककाे बाह्रबिसेमा रहेकाे एनसिसि बैंकमा बचत गर्नु पर्नेमा आफ्नै खल्तीमा हालेकाे प्रहरी अनुसन्धानबाट भेटिएकाे छ ।
साेमबार पक्राउ परेका उनलाई पाटन उच्च अदालतबाट ७ दिनकाे म्याद थप गरी बैंकिङ्ग कसुर तथा सजाय ऐन बमाेजिम कारवाही भइरहेकाे केन्द्रिय अनुसन्धान व्युराेले जानकारी दिएकाे छ ।
Copyright © 2024 Bikash Media Pvt. Ltd.