२०७८ कार्तिक ७ गते १८:३६ विकासन्युज
काठमाडौं । सोमबार बिहान बस्न लागेको सर्वोच्च अदालतको पूर्ण बैठक (फुलकोर्ट) बैंठकमा अन्य न्यायाधीशहरु अनुपस्थित हुने भएका छन् ।
प्रधानन्यायाधीश चोलेन्द्रशम्शेर जबराले सोमबार बिहान ११ बजेका लागि फुलकोर्ट बैठक बोलाएका थिए । तर आइतबार अपरान्ह बसेको सर्वोच्च अदालतका न्यायाधीशहरुको बैठकले सोमबार बोलाइने फुलकोर्ट बैठकमा सहभागी नहुने सहमति गरेका हुन ।
प्रधानन्यायाधीशले बोलाएको फूलकोर्टमा नगएर असन्तुष्ट न्यायाधीशबीच सोमबार विहानैदेखि छलफलमा जुट्ने सहमति गरेका छन् ।
प्रधानन्यायाधीश चोलेन्द्रशम्सेर जबराले आइतबार बारका पदाधिकारीहरुसँगको छलफलमा सोमबारका लागि आफूले सर्वोच्च अदालतका सबै न्यायाधीश सम्मिलित पूर्ण बैठक डाक्ने र त्यसमा बारका पदाधिकारीहरु पनि बोलाउने प्रतिवद्धता जनाएका थिए ।
Copyright © 2024 Bikash Media Pvt. Ltd.