२०७८ कार्तिक ७ गते ११:०१ विकासन्युज
धादिङ । पृथ्वी राजमार्गअन्तर्गत गजुरी गाउँपालिका-१ गजुरीबजारमा गुडिरहेका बसमा आज(कार्त्तिक ७ गते) बिहान आगलागी भएको छ । सुर्खेतबाट काठमाडौंतर्फ आउँदै गरेको ना६ख १४७१ नंको यात्रुबसमा एक्कासी आगलागी भएको जिल्ला प्रहरी कार्यालयका प्रहरी नायब उपरीक्षक जागेश्वर भण्डारीले जानकारी दिए ।
३६ जना यात्रु रहेको बसमा सबै यात्रु सकुशल रहेको र बसमा रहेको सामान भने जलेर नष्ट भएको छ । बसको इन्जिनबाट धुँवा निस्किनेबित्तिकै बस रोकेर यात्रुलाई बाहिर निकालेका कारण मानवीय क्षति हुन नपाएको प्रहरीले जनाएको छ । राजमार्ग क्षेत्रमा रहेको दमकल र स्थानीयवासीले आगो नियन्त्रणमा लिइएका थिए । रासस
Copyright © 2024 Bikash Media Pvt. Ltd.