काठमाडौं । यातायात व्यवसायीले भाडा समायोजनको माग राख्दै सडकमा गाडी रोकेका छन् । सरकारले अन्तरप्रदेश चल्ने सार्वजनिक सवारीको भाडादर समायोजन गरेपनि काठमाडौंमा चल्ने गाडीको भाडा समायोजनको माग राख्दै गाडीसहित विरोध प्रदर्शन गरेका हुन ।

व्यवसायीहरुले सोमबार बिहानैदेखि चक्रपथ, रत्नपार्क लगायतका क्षेत्रमा गाडी रोकेर प्रदर्शन गरेका हुन् ।

व्यवसायीको प्रदर्शनका कारण चक्रपथमा गाडीको आवागमन प्रभावित भएको छ । अन्य समयको तुलनामा सोमबार गाडी कम हुँदा सडकमा सर्वसाधारण रोकिएका छन् ।

व्यवसायीको प्रदर्शन र यात्रुको भिड हुँदा काठमाडाैं उपत्यकाको ट्राफिक व्यवस्थापन अस्तव्यस्त हुँदा कोटेश्वर, चाबहिल, सुकेधारा,गौशाला क्षेत्रमा ठूलो जाम भएको छ ।

सोमबार पिक आवरमा चावहिल, ग्वार्को, महाराजगञ्ज, एयरपोर्ट, बालाजु बसपार्क र सीतापाइलामा व्यवसायी आफैंले ५१८ वटा गाडी ‘होल्ड’ मा राखेका हुन् । चालकले गाडी सडक किनारामा राखेर बसेपछि चाबहिलमा यात्रुहरु अवरोधमा उत्रिएका छन् । यात्रु र चालकको बीचमा झडपको अवस्था आएपछि सो क्षेत्रमा ठुलो संख्यामा प्रहरी परिचालन गरिएको छ ।

नेपाल यातायात व्यवसायी राष्ट्रिय महासङ्घका महासचिव सरोज सिटौलाले पटक पटक भाडा समायोजन गर्न आग्रह गर्दा पनि वाग्मती प्रदेश सरकारले वास्ता नगरेपछि व्यवसायीहरुले विरोध प्रदर्शन गरेका बताए ।

यसअघि गएको साउन ७ गते व्यवसायीले कोरोना विरुद्धको खोप माग गर्दै चक्रपथमा नै गाडी तेर्स्याएर विरोध प्रदर्शनसहित र्याली निकालेका थिए ।

सम्बन्धित शिषर्कहरु

उपनिर्वाचनको मौन अवधि आज रातिदेखि सुरु, प्रचारप्रसार गर्न निषेध

चिया निर्यातमा भारतीय अवरोध हट्यो

जापानको मानवरहित चन्द्रमा ल्यान्डर तेस्रो चन्द्र रातसम्म जीवित

एआईको प्रयोगले सन्तोषजनक छैन विश्वमा मानव अधिकारको अवस्था

प्राधिकरणको आम्दानीबाट विद्युत सहुलियत धान्न सम्भव छैन : घिसिङ

पार्किन्सन रोगका कारण वार्षिक ७ सयको मृत्यु, कसरी गर्ने उपचार ?