काठमाडौं । नेपालमा नै उत्पादन गरिएका अर्गानिक कृषि तथा उपभोग्य बस्तुको मेला सिटी सेन्टरमा सुरु भएको छ । नेपाल चेम्बर अफ कमर्स अन्तर्गत नेपाल महिला चेम्बरले दशैं तथा तिहारलाई लक्ष्ति गर्दै सो व्यापार मेला आयोजना गरेको हो ।

बुधबारदेखि सुरु भएको मेला असोज २७ गतेसम्म सिटी सेन्टरमा हुने नेपाल महिला चेम्बरकी अध्यक्ष उर्मिला श्रेष्ठले जानकारी दिईन ।

उनका अनुसार सो मेलामा महिलाहरूले उत्पादन गरेका घरायसी सामग्रीहरु प्रदर्शनीमा राखिएकोे छ । ३० वटा स्टल रहेको मेलामा विभिन्न घरायसी सामानहरू राखिएका छन् ।

उनले सुरक्षाको मापदण्ड अपनाउँदै उद्यमशिलतामा लाग्नु पर्ने कुरालाई पनि श्रेष्ठले जोड दिइन् । यस्तो मेलाले नेपाली दिदी बहिनीहरूको उद्यमशिलतालाई अझ थप प्रोत्साहन हुने र बजारीकरण गर्नको लागि समेत थप मौका मिल्लो कुरामा उनले जोड दिईन ।

चेम्बरका अध्यक्ष राजेन्द्र मल्लले कोभिडबाट डराएर अर्थतन्त्र चलायमान नहुने भन्दै देशमा स्वरोजगार सिर्जना गरी आत्मनिर्भर बन्ने कुरामा ध्यान दिन अग्रह गरे ।

महिला चेम्बरले ७७ जिल्लामध्ये ७५ जिल्लामा संरचना स्थापना गरिसकेको छ ।

सम्बन्धित शिषर्कहरु

निजी क्षेत्रको नेतृत्वमा उच्च र समावेशी आर्थिक वृद्धि हासिल गर्नुपर्छ

पूर्वमन्त्री आलमलाई जन्मकैदको फैसला

भारतीय कम्पनीलाई भुक्तानी गर्न अवरोध, इन्टरनेट काटिन सक्ने सेवा प्रदायकको चेतावनी

सर्वोत्तम सिमेन्टको १५ प्रतिशत लाभांश पारित, सञ्चालकमा ७ जना निर्वाचित

आङटावा शेर्पालाई ३० लाख धरौटीमा छोड्न सर्वोच्चको आदेश

एनसीएचएलले नेप्सलाई १ः०.२८ को स्वाप रेसियोमा प्राप्ति गर्ने