काठमाडौं । वाणिज्य बैंकहरूले निक्षेपमा दिने व्याज उच्च रुपमा बढाएका छन् । बैंकहरुले बचतकर्तालाई दिने व्याज दोहोरो अंकले बढाएका हुन् । बजारमा तरलताको अभाव देखिएपछि सबै वाणिज्य बैंकहरुले निक्षेपमा दिने र कर्जामा लिने व्याजदर बढाएका हुन् ।

बैंकहरुले असोज १ गतेदेखि लागु हुने गरी निक्षेपमा दिने व्याजदर १० प्रतिशतभन्दा बढी पनि पुर्याएका छन् । सबैभन्दा बढी निक्षेपमा व्याज दिने बैंकमा रुपमा भने सनराइज बैंक देखिएको छ । सनराइज बैंकले १०.७ प्रतिशतसम्म व्याज दिने भएको छ । सनराइज बैंकले व्यक्तिगत र संस्थागत निक्षेपकर्तालाई १०.७ प्रतिशत व्याज दिने उल्लेख गरेको छ ।

भदौ महिनामा ४ प्रतिशतसम्म व्याज दिँदै आएको सनराइज बैंकले ६ प्रतिशतभन्दा बढी व्याज बढाएर १०.७ प्रतिशत पुर्याएको हो ।

यस्तै, प्राइम कमर्सियल बैंकले निक्षेपमा ९.७६ प्रतिशत व्याज घोषणा गरेको छ । सानीमा बैंकले निक्षेपमा ९.५१ प्रतिशत व्याज दिने जनाएको छ । ग्लोबल आईएमई बैंकले पनि ९.५ प्रतिशत व्याज दिने जनाएको छ ।

सबैभन्दा कम ब्याजदर दिँदै आएको स्टान्डर्ड चार्टडले पनि ७.५ प्रतिशत व्याज दिने जनाएको छ । नेपाल राष्ट्र बैंकले कर्जा–पुँजी–निक्षेप अनुपात (सीसीडी रेसियो) खारेज गरेर कर्जा–निक्षेप अनुपात (सीडी) रेसियो ९० प्रतिशत कायम गरेपछि बैंकहरुसँग लगानीयोग्य पुँजी अभाव सुरु भएको थियो ।

बजारमा तरलताको अभाप देखिएपछि बैंकहरुबीच एकअर्काको निक्षेप खोसाखोसको अवस्था सिर्जना भएको छ । बैंकरहरुका अनुसार पछिल्लो समय सरकारी खर्च नहुँदा बैंकहरूमा लगानीयोग्य रकमको अभाव देखिएपछि निक्षेपकर्तालाई आकर्षित गर्न निक्षेपसँगै कर्जाको व्याज पनि बढेको हो । निक्षेप जोगाउनका लागि ब्याजदर सामान्य बढेको उनीहरुको भनाई छ ।

सम्बन्धित शिषर्कहरु

बैंकरका सामू राष्ट्र बैंक स्तब्ध

प्रशान्ति वृद्धाश्रम केन्द्र सुर्खेतलाई सिटिजन्स बैंकको सहयोग

५९० मेगावाटका जलविद्युत आयोजनामा सिटिजन्स बैंकको लगानी, १३ वटा प्रोजेक्टमा नेतृत्व

संस्थापकहरूले ‘स्टार्टअप ब्रान्डिङ’ मा गर्ने यी १० गल्ती जसका कारण डुब्छ व्यवसाय

कुमारी बैंकको ४ लाख ५० हजार कित्ता संस्थापक सेयर बिक्रीमा, न्यूनतम मूल्य कति ?

यी हुन् लगानी सम्मेलनमा निजी क्षेत्रबाट सोकेस गरिने ३१ परियोजना, कुन क्षेत्रबाट कति ?