२०७८ भदौ ३० गते १०:२४ विकासन्युज
काठमाडौं । कक्षा १२ को वार्षिक परीक्षा आज बुधबारदेखि सञ्चालन हुँदैछ। राष्ट्रिय परीक्षा बोर्डले सञ्चालन गर्ने परीक्षा आगामी असोज ८ गतेसम्म हुनेछ । परीक्षा बिहान ११ बजे शुरु हुँदैछ ।
यसअघि बोर्डले दुई पटक जेठ २६ देखि असार ४ गतेसम्म र साउन ३१ देखि भदौ ९ गतेसम्म हुने भनिएको परीक्षा कोरोना संक्रमण जोखिमका कारण स्थगित गरेको थियो ।
पहिलो दिन आज अनिवार्य अंग्रेजी विषयको परीक्षा हुँदै छ। होम सेन्टर मार्फत हुने परीक्षामा ३ लाख ७४ हजार परीक्षार्थी सहभागी हुँदैछन् भने ४ हजार ३१५ वटा परीक्षा केन्द्र तोकिएका छन्।
परीक्षा बोर्डका अनुसार धेरैजसो विद्यार्थीले कोरोनाविरुद्ध खोप लगाइसकेको र संक्रमण पनि कम हुँदै गएकाले परीक्षा सञ्चालन गर्ने निर्णय गरिएको हो।
Copyright © 2024 Bikash Media Pvt. Ltd.