२०७८ असार २८ गते १३:१८ विकासन्युज
काठमाडाैं । सर्वोच्च अदालतले संसद विघटन बदर गरेको छ । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटनलाई असंवैधानिक ठहर गर्दै अदालतले बदर गरेको हाे ।
इजलास शुरू हुनासाथ प्रधानन्यायाधीश चोलेन्द्र शमसेर जबराले पाँचैजना न्यायाधीशको मत सुनाउँदै रिट निवेदनको पक्षमा आदेश जारी भएको बताएका हुन् । याे सँगै सर्वोच्च अदालतले काँग्रेस सभापति शेरबहादुर देउवजालाई प्रधानमन्त्री बनाउन परमादेश जारी गरेको छ।
राष्ट्रपति भण्डारीले दोस्रोपटक जेठ ७ गते मध्यरातमा प्रतिनिधिसभा विघटन गरेकी थिइन् । त्यसअघि प्रधानमन्त्री ओलीले ७ गते मध्यरातमा मन्त्रिपरिषदको बैठक राखेर प्रतिनिधिसभा विघटन गर्ने सिफारिस गरेका थिए ।
Copyright © 2024 Bikash Media Pvt. Ltd.