२०७८ असार २३ गते १२:४५ विकासन्युज
काठमाडौं । सानिमा जनरल इन्स्योरेन्सको सञ्चालकमा दुई जना निर्वाचित भएका छन् । कम्पनीको सभाले सर्वसाधारण सेयरधनीको समूह ख को तर्फबाट प्रपुजा पोखरेल र प्रकाश मान श्रेष्ठलाई सञ्चालकमा निर्वाचित गरेको हो ।
इन्स्योरेन्सको तेश्रो वार्षिक साधारणसभा आज(असार २३ गते) बुधबार सम्पन्न भएको हो । उक्त सभा काठमाडौंको कमलादीस्थित कम्पनीको केन्द्रिय कार्यालयमा भर्चुअल माध्यमबाट सम्पन्न भएको हो ।
यस्तै सभाले सुजन काफ्ले एण्ड एसाेसिएट्स, चार्टड एकाउन्टेण्टलाई कम्पनीकाे वार्षिक लेखा परिक्षकमा नियुक्त गर्ने संचालक समितिकाे प्रस्ताव पारित गरेकाे छ ।
कम्पनीका अध्यक्ष खेमराज लामिछानेको अध्यक्षतामा सम्पन्न भएको सभाले एनएफआरएस बमोजिमको वित्तीय विवरण सर्वसम्मत रुपमा पारित गरेको छ ।
Copyright © 2024 Bikash Media Pvt. Ltd.