काठमाडौं । चालु वर्षको ११ महिनामा १३ खर्ब ८३ अर्ब ३६ करोड ४९ लाख मूल्य बराबरको वस्तु आयात भएको छ । जुन गत आवको तुलनामा २५.६७ प्रतिशतले बढी हो । गत वर्ष सोही अवधिमा ११ खर्ब ८१ करोडको आयात भएको थियो।

यो अवधिमा सबैभन्दा धेरै डिजेल दोस्रोमा पेट्रोल र तेस्रोमा सवारी साधन बढी आयात भएको भन्सार विभागको तथ्यनंकले दोखाएको छ । यस अवधिमा १ हजारदेखि १५ सय सीसीसम्मको सवारी ८७ सय ६१ वटा आयात भैसकेको छ।

यस्तै ११ महिनामा करिब २ लाख वटा ५० देखि २ सय ५० सीसीसम्मको मोटरसाइकल आयात भएको छ । त्यस्तै, ११ महिनासम्मको अवधिमा वैदेशिक व्यापार घाटा १२ खर्ब ६२ अर्ब ११ करोड ९ लाख रुपैयाँ रहेको छ । गत वर्षको सोही अवधिमा नेपालले १० खर्ब १२ अर्ब ८१ करोड ३ लाख रुपैयाँ वैदेशिक व्यापार घाटा व्यहोर्नुपरेको थियो । जुन गत वर्षको तुलनामा यो वर्ष २४.६१ प्रतिशतले बढी व्यापार घाटा व्यहोरेको तथ्याङ्कले उल्लेख गरेको छ ।

यस्तै, ११ महिनाको अवधिमा निर्यात पनि वृद्धि भएको छ । ११ महिनामा कुल निर्यात १ खर्ब २१ अर्ब २५ करोडको निर्यात भएको छ । जुन गत वर्षको तुलनामा ३७.७८ प्रतिशतले बढी हो । गत आवको जेठमसान्तसम्म नेपालले ८८ करोड ३१ लाख रुपैयाँ बराबरको वस्तु तथा सेवा निर्यात गरेको थियो ।

सम्बन्धित शिषर्कहरु

बैंकविरुद्ध अराजक गतिविधिको नतिजा खराब कर्जा, २६२ प्रतिशतसम्म बढ्यो

खराब कर्जाका कारण बैंकहरूको नाफा साढे १३ प्रतिशत घट्यो, कुन बैंकको कति ?

नेपाल आएका पर्यटकको दैनिक औसत खर्च ४१ डलर

लघुवित्तहरूले नियम विपरित शुल्क लिएपछि राष्ट्र बैंकले गरायो १.१४ अर्ब रुपैयाँ फिर्ता

डिजिटल अर्थतन्त्रको अभ्यासमा नेपाल

भारत छिर्दै टेस्ला, टाटा मोटर्सलाई चुनौती