काठमाडौं । निषेधाज्ञा जारी रहेको काठमाडौं उपत्यकामा अब बार अनुसार व्यवसाय सञ्चालन गर्न पाइने भएको छ । आइतबार बसेको उपत्यकाका तीन प्रमुख जिल्ला अधिकारीहरुले हालको निषेधाज्ञालाई जारी गरी बार अनुसार व्यवसाय सञ्चालन गर्न दिइने निर्णय गरेको हो ।

यससँगै आइतबार, मंगलबार र बिहीबार सुन, भाँडाकुडा, अटो मोबाइल्स, विद्युतीय सामग्रीका पसल खोल्न पाइने भएको छ । त्यस्तै, सोमबार, बुधबार र शुक्रबार सपिङ मल, कपडा, जुत्ता, साडी, कस्मेटिक्स, फेन्सी टेलरिङ पसल खोल्न पाइने ललितपुरका प्रजिअ ढुण्डीप्रसाद निरौलाले जानकारी दिए । साथै, उक्त पसलहरु बिहान ११ बजेदेखि ४ बसेसम्म सञ्चालन गर्न दिईने उनले जनाए ।

निर्माण सामग्रीका पसलहरू बिहान ११ देखि साँझ ६ बजेसम्म खोल्न पाइने छ भने खाद्यान्न, दूध, किताब पसललगायतका पसलहरू बिहान ११ बजेसम्ममात्र खोल्न पाइने गरी बैठकले निर्णय गरेको छ ।

बैठकले हाल जारी रहेको निषेधाज्ञालाई खुकुलो बनाई असार ८ गतेदेखि असार १४ गतेसम्म निषेधाज्ञा जारी गर्ने निर्णय गरेको हो । त्यस्तै, जोड बिजोर लागू गरी निजी सवारीलाई चल्न दिइने निरौलाले जानकारी दिए ।

सम्बन्धित शिषर्कहरु

पूर्वमन्त्री आलमलाई जन्मकैदको फैसला

भारतीय कम्पनीलाई भुक्तानी गर्न अवरोध, इन्टरनेट काटिन सक्ने सेवा प्रदायकको चेतावनी

सर्वोत्तम सिमेन्टको १५ प्रतिशत लाभांश पारित, सञ्चालकमा ७ जना निर्वाचित

नेपालमा ग्रीन हाइड्रोजन परियोजनाका लागि कन्सियस इनर्जी र उर्जा डेभेलपर्सबीच साझेदारी

आङटावा शेर्पालाई ३० लाख धरौटीमा छोड्न सर्वोच्चको आदेश

एनसीएचएलले नेप्सलाई १ः०.२८ को स्वाप रेसियोमा प्राप्ति गर्ने