काठमाडौं । गण्डकी प्रदेशले प्रदेशमा कोभिड संक्रमणबाट मृत्यु भएकाको परिवारलाई ५० हजार रुपैयाँ राहत दिने भएको छ । मुख्यमन्त्री कृष्णचन्द्र नेपाली पोखरेल आव २०७८/०७९ को वार्षिक नीति तथा कार्यक्रममा उक्त कुरा बताएका हुन ।

यस्तै मुख्यमन्त्री पोखरेलले कोभिड संक्रमणका कारण मृत्यु भएका अभिभावकका सन्तानलाई मासिक रुपमा ५ हजार रुपैयाँ भत्ता समेत उपलब्ध गराउने घोषणा गरेका छन् ।

यस्तै, प्रदेश सरकारले बहुक्षेत्रीय पोषण कार्यक्रमलाई निरन्तरता दिदैँ आगामी आवका लागि १ करोड ५० लाख रुपैयाँ विनियोजन गरेको छ । बालबालिका, गर्भवती र अपाङ्गका लागि पोषण पु¥याउन कार्यक्रमलाई निरन्तरता दिइएको उनले बताए ।

मुख्यमन्त्री पोखरेलले यस्तैगरी सबै जिल्ला अस्पताललाई २५ देखि ५० श्यया बनाउँदै २ देखि ५ श्यैयाको सघन उपचार कक्षा स्थापन गर्ने, धौलागिरि अस्पताललाई स्तरोन्नती गरिने बताएका हुन ।

गोरखाको आँपपिपल अस्पताललाई ५० शैय्याको बनाइने, गण्डकी विश्वविद्यालयमा ३५० शैय्याको जनरल, ५० शैय्याको मुटु रोग, ५० शैय्याको अर्बुद र ५० शैय्याको मिगौला रोगको उपचार हुने शिक्षण अस्पतालको निर्माणका लागि बजेट विनियोजन भएको छ ।

क्यान्सर, मुटु रोग, पार्किन्सन, मिर्गौलको उपचारमा गरिब विपन्नलाई सहयोग गर्ने गरी मासिक ४ हजार उपलब्ध गराउन बजेट विनियोजन गरिएको मुख्यमन्त्री पोखरेलले बताए ।

सम्बन्धित शिषर्कहरु

महासंघमा संयोजकको जिम्मा सापकोटालाई, प्राथमिकतामा व्यवसायीका समस्या समाधान

ऐसले फर्निचर शोरुम अब नेपालमा, नयाँ युगको शुरुवात गर्ने (फोटो फिचरसहित)

फास्ट ट्रयाक तोकिएकै समयमा बन्छ, लागत बढेको छैनः प्रधान सेनापति

सचिव मरासिनीसहित ८ जनाले पाए सफाइ, सुनिल पौडेल दोषी ठहर

ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता

‘अस्ट्रेलियामा पुरुष हिंसाको सङ्कट छ’