२०७८ जेठ २७ गते १८:०७ विकासन्युज
काठमाडौं । पछिल्लो २४ घण्टामा नेपालभर ५ हजार २९३ जना कोरोना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार सोही अबधिमा देशभर ३७४९ संक्रमित थपिएका छन् ।
पछिल्लो २४ घण्टामा ९ हजार ९०१ नमुनाको पीसीआर परीक्षणमा २ हजार ८७४ र ५ हजार ३३७ जनाको एन्टिजेन परीक्षणमा ८७५ जना गरी ३ हजार ७४९ जनामा संक्रमण पुष्टि भएको हो ।
योसँगै नेपालमा कोरोना भाइरस संक्रमितको कुल संख्या ६ लाख १९ हजार ४०१ पुगेको छ । जसमध्ये ५ लाख १५ हजार ५९१ जना संक्रमणमुक्त भएका छन् भने ७७ हजार ८५८ जना सक्रिय संक्रमित रहेका छन् ।
यस्तै हालसम्म देशभर कोरोनाबाट ज्यान गुमाउनेको संख्या ८ हजार २३८ पुगेको छ । पछिल्लो २४ घण्टामा थप ५९ जनाको मृत्यु भएको छ ।
Copyright © 2024 Bikash Media Pvt. Ltd.