एक सातामा बैंकको बिजनेसः निक्षेप १३ अर्बले बढ्दा कर्जा ८ अर्बमा सीमित
२०७८ जेठ २४ गते १४:५३ विकासन्युज
काठमाडौं । वाणिज्य बैंकहरुले जेठ महिनाको तेश्रो सातामा निक्षेप संकलन १३ अर्ब रुपैयाँले बढाएका छन् । जेठको दोश्रो सातामा निक्षेप घटाएका बैंकहरुले तेश्रो सातामा भने १३ अर्ब रुपैयाँले बढाएर ३९ खर्ब ६९ अर्ब रुपैयाँ पुर्याएका हुन् । अघिल्लो साता यो रकम ३९ खर्ब ५६ अर्ब रुपैयाँ मात्रै थियो ।
समीक्षा अवधिमा उनीहरुले निक्षेप र कर्जा लगानी दुबैमा वृद्धि गरेका नेपाल बैंकर्स संघले जनाएको छ ।
यस्तै, सो अवधिमा बैंकहरुको कर्जा लगानी पनि ८ अर्ब रुपैयाँले बढेको छ । अघिल्लो साता ३६ खर्ब २६ अर्ब रुपैयाँ कर्जा लगानी गरेका बैंकले यो साता अर्थात जेठ तेश्रो सातामा ३६ खर्ब ३४ अर्ब रुपैयाँ कर्जा लगानी गर्न सफल भएका छन् ।
वाणिज्य बैंकहरुले जेठको पहिलो सातामा ३९ खर्ब ६१ अर्ब रुपैयाँ निक्षेप संकलन गरेका थिए भने ३६ खर्ब १६ खर्ब रुपैयाँ कर्जा लगानी गरेका थिए ।
सम्बन्धित शिषर्कहरु
Copyright © 2024 Bikash Media Pvt. Ltd.