२०७८ जेठ ४ गते १६:२२ विकासन्युज
काठमाडौं । वाणिज्य बैंकहरुको निक्षेप संकलन र कर्जा लगानी दुबैमा वृद्धि भएको छ । नेपाल बैंकर्स संघका अनुसार गत एक महिनाको तुलनामा बैंकहरुको निक्षेप संकलन ११ अर्ब र कर्जा लगानी ३८ अर्ब रुपैयाँले बढेको हो ।
यससँगै बैंकहरुले गत बैशाख ३१ गतेसम्ममा ३९ खर्ब ५५ अर्ब रुपैयाँ संकलन गरेका छन् । जुन गत चैत ३१ गतेसम्मकाे तुलनामा ११ अर्ब रूपैयाँले बढी हाे । बैंकहरूले साे अवधिमा ३९ खर्ब ४४ अर्ब रुपैयाँ मात्रै संकलन गरेका थिए ।
त्यस्तै, बैंकहरुले बैशाख ३१ गतेसम्ममा ३६ खर्ब ११ अर्ब रुपैयाँ कर्जा लगानी गर्न सफल भएका छन् । जुन एक महिनाअघि ३५ खर्ब ७३ अर्ब रुपैयाँ रहेको संघले जानकारी गराएको छ ।
त्यसैगरी, बैंकहरुले गत बैशाख २४ गतेसम्ममा ३९ खर्ब ३३ अर्ब रुपैयाँ संकलन गरी ३६ खर्ब ९ अर्ब रुपैयाँ कर्जा लगानी गर्न सफल भएका थिए ।
Copyright © 2024 Bikash Media Pvt. Ltd.