काठमाडौं । रामेछाप जिल्लाको दोरम्बा गाउँपालिकामा कोरोना भाइरस संक्रमणको दर बढ्दै गएपछि पालिकामा प्रवेश गर्ने सबै नाकाहरु बन्द गरेको छ । तीब्र गतिमा फैलिरहेको नयाँ भेरियन्टकोे कोरोना भाइरसका पालिकामा पनि बढ्दो रुपमा फैलिएको कारण पालिकाको सबै नाका बन्द गरिएको हो ।

पालिकाले जेठ ६ गतेसम्मको लागि मात्र नाका बन्द गर्ने निर्णय गरेको हो । संक्रमण दर गाउँपालिमा पनि उच्च भएपछि गाउँपालिकाले २९ गते बुधबार बसेको विपत् व्यवस्थापन सिमितिको बैठक अनुसार सबै नाका बन्द गर्ने निर्णय गरेको गाउँपालिकाका अध्यक्ष कमानसिंह तामाङले जनाकारी दिए ।

पालिकामा हालसम्म ८६ जना कोराना संक्रमित छन् । पालिकाले हिजो मात्रै ४१ जनाको स्वाव संकलन गरी पीसीआर परिक्षणको लागि धुलिखेल अस्पतालमा पठाएको उनले जानकारी दिए ।

पालिकाले ९ ओटा विद्युतिय अक्सिजन उत्पादन गर्ने मेशिन र कन्ट्याक्ट ट्रेसिङ मेशिन पनि खरिद गर्न निर्णय भएको उनको भनाई छ । गाउँपालिकाले बजार क्षेत्रहरुमा भिडभाडलाई कम गर्न समेत आग्रह गरेको छ । हाल सो गाउँपालिकामा १३ ओटा आइसोलेसन कक्ष छन् । गाउँपालिकावासीलाई स्वास्थ्य मापदण्डको पूर्ण पालना गर्दै घरमै सुरक्षित साथ बस्न पनि आग्रह गरिएको छ ।

सम्बन्धित शिषर्कहरु

महानगरको सक्रियतामा ठूला आयोजना निर्माण सम्भव भएको हो : प्रमुख दाहाल

निर्माण तथा परामर्श सेवाका लागि महानगर र पूर्वाधार निर्माण कम्पनीबीच समझदारी

‘समावेशी र लैङ्गिकमैत्री’ क्रियाकलाप प्रवर्द्धन गर्न समझदारी पत्रमा हस्ताक्षर

विद्यार्थीको अभाव हुँदा धमाधम बन्द हुँदै गाउँका प्राविधिक विद्यालय

चन्द्रागिरी नगरपालिकामा सरसफाई अभियान कार्यक्रम सम्पन्न

११ करोडको लिफ्ट सिँचाइ योजना अलपत्र, आकाशे पानीको भरमा खेतीपाती