काठमाडौं । कोरोना भाइरस (कोभिड–१९) संक्रमण बढेसँगै रोकिएको कोभिड विरुद्धको खोपको दोस्रो चरण सुरु हुने भएको छ ।

काठमाडौं उपत्यकाका प्रमुख जिल्ला अधिकारीहरु सहभागी भएको जिल्ला कोभिड संकट व्यवस्थापन केन्द्रै (डीसीएमसी) ले आगामी जेठ २ गतेदेखि काठमाडौं उपत्यकामा कोभिड विरुद्धको दोस्रो चरणको खोप (भेरोसिल्ड) लगाउन सम्बन्धित निकायसँग अनुरोध गर्ने निर्णय गरेको हो ।

जेठ २ गतेदेखि भेरोसिल्डको दोस्रो खोप संचालन गर्न सम्बन्धित निकायसँग अनुरोध गर्ने निर्णय भएको एक प्रमुख जिल्ला अधिकारीले जानकारी दिए । सरकारले कोभिड विरुद्ध भेरोसिल्ड लगाउन सुरु गरेको भएपनि संक्रमण बढेको र काठमाडौं उपत्यका सहित देशभरका प्रमुख सहरहरुमा निषेधाज्ञा जारी गरेपछि खोप कार्यक्रम स्थगित गरिएको थियो ।

यस्तो खोप कार्यक्रम सम्बन्धित पालिकाहरुको वडा कार्यालयहरुले समन्वय गर्ने डीसीएमसीको निर्णय छ । यस्तो कार्यक्रम निश्चित अवधिका लागि संचालन गर्न अनुरोध गर्ने निर्णय भएको ती अधिकारीले बताए ।

यस्तै, डीसीएमसीले काठमाडौं उपत्यमा थप १५ दिन निषेधाज्ञा जारी गर्ने निर्णय पनि गरेको छ । सरकारले बैशाख १६ गतेदेखि काठमाडौं उपत्यकासहित देशभरका प्रमुख सहरहरुमा निषेधाज्ञा जारी गरेको छ ।

सम्बन्धित शिषर्कहरु

यी हुन् विश्वका सबैभन्दा लामो पाँच रेलमार्ग

अर्थमन्त्री पुनलाई पूर्वअर्थमन्त्रीहरूको सुझाव : पपुलिष्ट बजेट नल्याउनू, आकार सानो बनाउनु

ललितपुरमा पाठेघर र स्तन क्यान्सर परीक्षण थालियो

नेपाल रिमा लगानी बढाउँदै हिमालयन र एशियन लाइफ, बुधबार किने ६३ करोडको सेयर

पार्किन्सन रोगका कारण वार्षिक ७ सयको मृत्यु, कसरी गर्ने उपचार ?

नेपाल र कतारबीच द्विपक्षीय समझदारी, नेपाली कामदारको प्रशंसा