काठमाडौं । संवैधानिक परिषद्को बैठकले रिक्त रहेका संवैधानिक आयोगहरुका पदाधिकारी र सदस्यहरुको पदपूर्तिको सिफारिस गरेको छ ।
प्रधानमन्त्री केपी शर्मा ओलीको आह्वानमा बालुवाटारमा आज बसेको बैठकले संवैधानिक आयोगका रिक्त पदपूर्तिको सिफारिस गरेको हो । विपक्षी दलका नेता र सभामुख विना नै संवैधानिक परिषद्को बैठक बसिएको थियो ।

बैठकमा परिषद्का अध्यक्ष एवं प्रधानमन्त्री ओलीसहित सदस्यहरु प्रधानन्यायाधीश चोलेन्द्र शमशेर जबरा र राष्ट्रियसभाका अध्यक्ष गणेश तिमिल्सिना सहभागीता रहेको थियो ।

बैठकले लोकसेवा आयोगको अध्यक्षमा पूर्व सचिव माधव रेग्मीलाई नियुक्तीका लागि सिफारिस गरेको स्राेतले बताएकाे छ। झापा गौरादह–३ का रेग्मीलाई लोक सेवा आयोगको अध्यक्ष पदमा नियुक्तिको सिफारिस गरेको हो ।

प्रतिनिधिसभाका सभामुख अग्नीप्रसाद सापकोटा र कांग्रेस सभापति शेरबहादुर देउवा बैठकमा उपस्थित थिएनन् । संविधानअनुसार परिषद्मा प्रधानमन्त्री, प्रधानन्यायाधीश, सभामुख, राष्ट्रियसभाको अध्यक्ष, विपक्षी दलको नेता र उपसभामुख रहन्छन् । उपसभामुख खाली रहेकाले हाल परिषद्मा ५ जना मात्रै छन् ।

सम्बन्धित शिषर्कहरु

उपनिर्वाचनको मौन अवधि आज रातिदेखि सुरु, प्रचारप्रसार गर्न निषेध

चिया निर्यातमा भारतीय अवरोध हट्यो

जापानको मानवरहित चन्द्रमा ल्यान्डर तेस्रो चन्द्र रातसम्म जीवित

एआईको प्रयोगले सन्तोषजनक छैन विश्वमा मानव अधिकारको अवस्था

प्राधिकरणको आम्दानीबाट विद्युत सहुलियत धान्न सम्भव छैन : घिसिङ

पार्किन्सन रोगका कारण वार्षिक ७ सयको मृत्यु, कसरी गर्ने उपचार ?