२०७८ वैशाख २१ गते १५:४६ विकासन्युज
काठमाडाैं । अब अनावश्यक रुपमा बाहिर हिँडडुल गर्नेलाई कारवाही गरिने भएको छ ।
उपत्यकाका तीन जिल्लाका प्रमुख जिल्ला अधिकारीहरुको बैठकले अनावश्यक रुपमा बाहिर हिँडडुल गर्नेहरुलाई कडाई गर्ने निर्णय गरेको हो ।
आज बसेको बैठकले अनावश्यक रुपमा बाहिर हिँडडुल गर्नेलाई प्रहरीले सोधपुछ गर्ने र अनावश्यक रुपमा हिँडेकाे छ भने कारवाही गर्न निर्णय गरेकाे हाे । अत्यावश्यक काममा हिँडेकाे छ भने छोड्ने तर अनावश्यक रुपमा हिँडेको भेटिएमा प्रहरीले कारवाही गर्ने व्यवस्था बैठकले गरेको हो ।
यस्तै, बैठकले निषेधाज्ञा बैशाख २९ गतेसम्मका लागि लम्ब्याइएकाे छ । पसलहरु पनि बिहान ७ बजेदेखि ९ बजेसम्म मात्रै खाेल्न पाइनेछ ।
Copyright © 2024 Bikash Media Pvt. Ltd.