काठमाडौं । नीजि क्षेत्रको लगानीमा सञ्चालित बुद्ध एयरले आफ्ना सबै उडान संक्रमणरहित भएको जनाएको छ । पछिल्लो समय नेपालमा कोरोना संक्रमितको संख्यामा बृद्धि भएसगैँ बुद्धले सबै उडान संक्रमणरहित भएको जनाएको हो ।

बुद्धले आज एक विज्ञप्ती जारी गर्दै, नेपालमा कोरोनान भाइरसका संक्रमितहरु देखिएको सुरुवाती चरण देखिनै कोभिड विरुद्धका ‘सुरक्षा निर्देशिका’ बनाई सुरक्षित रुपमा उडान सुरु गरेको भन्दै सुरक्षित भएको जनाएको छ ।

‘संक्रमणरहित हवाई यात्राका बुद्ध एयर प्रतिवद्ध छौं’ । यसका लागि उडानका क्रममा हरेक यात्रुको कोभिडसँग मिल्दोजुल्दो लक्षण पहिचान, तापक्रम चेकजाँच, ह्याण्ड सेनिटाइजको प्रयोग अनिवार्य बनाईएको बुध्द एयरका बजार निर्देशक रुपेश जोशी बताउँछन् ।

‘हामीले हरेक उडानको यात्रु डाटावेश कम्प्युटरकृति गरेका छौं । सरोकारवाला निकायले मागेको खण्डमा हामी तुरुन्तै दिनसक्छौं । यसले कोरोना रोकथाममा सहयोग पुग्ने अपेक्षा गरिएको छ’, उनले भने, ‘बुध्द एयर पूर्ण रुपमा सुरक्षित छ । तपाईहरु सुरक्षाका उपायहरु अपनाई ढुक्क भएर यात्रा गर्नसक्नुहुनेछ ।’

यसैगरी, बुद्धले उडान सहज सरल र संक्रमणरहित बनाउन यात्रुहरुको पनि उत्तिकै भूमिका रहेको भन्दै निर्देशिका पालना गर्न अनुरोध समेत गरेको छ ।

‘पहिलो लकडाउनको समयमा आम नेपालीहरु खाद्यान्न भ्यान, गाडी, एम्बुलेन्स आदि इत्यादीमा कोचिएर लामो यात्रा गर्न वाध्य भएका थिए । सुरक्षित उपायहरु अपनाईएका थिएनन् । परिणामतः संक्रमण धेरै देखिएको थियो । अब फेरि यस्तो लकडाउन दोहरिनु हुँदैन । सुरक्षित तथा संक्रमणरहित यात्राको व्यवस्था हुनुपर्छ’, विज्ञप्तीमा भनिएको छ ।

सम्बन्धित शिषर्कहरु

बीमकलाई प्राधिकरणले भन्यो : भ्रम सिर्जना नगरी दावी भुक्तानी सुरु गर्नुस्

त्रिविका कानुनी सल्लाहकार खनाललाई कारबाही नगर्न आदेश

बैंकरका सामू राष्ट्र बैंक स्तब्ध

टीभीएस अपाचेको आरटीआर १६० सार्वजनिक, मूल्य तीन लाख बढी

सीईडीबी हाइड्रोले डाक्यो वार्षिक साधारण सभा, बुक क्लोज कहिले ?

प्राधिकरणको आम्दानीबाट विद्युत सहुलियत धान्न सम्भव छैन : घिसिङ