काठमाडौं । चैत महिनामा वाणिज्य बैंकहरुको कर्जा लगानीमा उल्लेख्य प्रगति भएको छ । नेपाल बैंकर्स संघको तथ्यांक अनुसार चैत महिनामा वाणिज्य बैंकहरुले १ खर्ब २३ अर्ब रुपैयाँ कर्जा लगानी गरेका छन् ।

फागुन मसान्तको तुलनामा चैतको मसान्तसम्म वाणिज्य बैंकहरुको कर्जा लगानी १ खर्ब २३ अर्बले बढेको हो । हालसम्म वाणिज्य बैंकहरुले ३५ खर्ब ३५ अर्ब रुपैयाँ कर्जा प्रवाह गरेका छन् ।

यस्तै, हालसम्म वाणिज्य बैंकहरुको निक्षेप संकलन ३९ खर्ब १३ अर्ब रुपैयाँ पुगेको छ । फागुन मसान्तसम्म ३८ खर्ब २६ अर्ब रुपैयाँ निक्षेप संकलन गरेका वाणिज्य बैंकहरुले चैतको पहिलो सातामा ३८ खर्ब ४० अर्ब, दोस्रो सातामा ३८ खर्ब ५० अर्ब, तेस्रो सातामा ३८ खर्ब ९० अर्ब र चौथो सातामा ३९ खर्ब १३ अर्ब रुपैयाँ निक्षेप संकलन गरेका छन् । फागुनकाे तुलनामा चैतमा कर्जा लगानी ८७ अर्बले बढेकाे हाे ।

यस्तै, चैतको पहिलो सातामा ३४ खर्ब ३५ अर्ब रुपैयाँ कर्जा लगानी गरेका बैंकहरुले चैत दोस्रो सातामा ३४ खर्ब ६२ अर्ब, तेस्रो सातामा ३५ खर्ब १ अर्ब र चौथो सातामा ३५ खर्ब ३५ अर्ब रुपैयाँ कर्जा लगानी गरेका छन् ।

सम्बन्धित शिषर्कहरु

१० बैंकको २० अर्ब वितरणयोग्य नाफा ऋणात्मक

महालक्ष्मी विकास बैंकले गर्यो महिला उद्यमी लक्षित सशक्तीकरण अभियान

गरिमा बैंक र ट्रेकिङ एजेन्सीबीच कर्जामा सहुलियत सहित सेवा उपलब्ध गराउने सम्झौता

कामना सेवाद्वारा पोखरा विश्वविद्यालयमा स्वास्थ्य प्रयोगशाला निर्माण गरि हस्तान्तरण

विकास बैंकका सूचक खस्किए, वितरणयोग्य नाफा ध्वस्त

ग्लोबल आइएमई बैंकको नयाँ एक्सटेन्सन काउन्टर तुल्सीपुरस्थित मालपोत कार्यालयमा