आमा छउन्जेल हो घर उज्यालो लाग्ने (गजल)
२०७७ चैत २० गते १२:२२ विकासन्युज
जानु छ थाहा छैन कहिले हो पालो लाग्ने
नगरियोस् है काम जीवनमा कालो लाग्ने ।।
तपाईं जेजेले सजाउनुस् महल यहाँ
आमा छउन्जेल हो घर उज्यालो लाग्ने ।।
अचेल म यही कुराको खोज गरिरहेछु
जीवन किन बिहेपछि भङ्गालो लाग्ने ??
एउटै वस्तु सबैलाई कहाँ उस्तै लाग्छ र ?
कसैलाई नाना बन्छ तिमीलाई टालाे लाग्ने ।।
प्राकृतिक विपत्ति समान छ भन्नुहुन्छ है !
महलवाला कति छन् र भूइँचालाे लाग्ने ।।
दाङ्सिङ नुवाकोट हाल पोखरा-११
