काठमाडौं । नेपालमा सञ्चालित उद्योग मध्येमा दाना उद्योग मापदण्ड विपरीत सञ्चालन भएको पाइएको छ । खाद्य प्रविधि तथा गुण नियन्त्रण विभागको आठ महिनाको प्रतिवेदन अनुसार अन्य उद्योगको तुलनामा दाना उद्योग मापदण्ड विपरीत सञ्चालन भएको पाइएको हो ।

विभागले चालु आर्थिक वर्षको आठ महिनामा (गत साउनदेखि फागुन मसान्तसम्म) बजार अनुगमन तथा निरीक्षणबाट दुई हजार २८४ नमूना संकलन गरेको थियो । उक्त नमुना मध्येमा एक सय २७ वटा नमूना मापदण्ड विपरित रहेको पाइएको विभागले जनाएको छ ।

विभागका महानिर्देशक उपेन्द्र राया एक सय २७ वटा नमूना मध्येमा ३१ वटा दाना उद्योग मापदण्ड विपरीत सञ्चालन रहेको पाइएको बताउँछन्छ । यस्तैगरी, १८ वटा प्रशोधित पिउने पानीको उद्योग, २० वटा खाद्यान्न तथा १९ वटा तेल तथा घ्यु जन्य उद्योग मापदण्ड विपरित सञ्चालनमा रहेका छन् ।

७६ उद्योगमा मुद्दा दर्ता

विभागले चालु आर्थिक वर्षको आठ महिनाको अबधिमा खाद्य ऐन तथा नियम अनुसार न्यूनस्तर तथा दूषित उत्पादन तथा बिक्रीवितरण गर्ने ७६ वटा मुद्दा दर्ता गरेको छ ।

विभिन्न जिल्ला प्रशासन कार्यालय तथा जिल्ला अदालतमा दायर पहिलो चौमासिकमा २६ र दोस्रो चौमासिकमा ५० थान मुद्दा दर्ता भएको महानिर्देशक रायले जानकारी दिए । उनका अनुसार सबैभन्दा धेरै मुद्दा प्रशोधित पिउने पानीमा रहेको छन् । आठ महिनाको अबधिमा पानीका ११, तयारी चाउचाउका ७, मसलाका ६, घ्युका ५, तेल, बेकरी, दाना, बिस्कुट लगायतका उद्योगमा चार वटा मुद्दा दर्ता भएको छन् ।

सम्बन्धित शिषर्कहरु

प्राधिकरणको आम्दानीबाट सरकारले दिने विद्युत सहुलियत धान्न सम्भव छैन : कुलमान घिसिङ

कति उपलब्धिमुलक रह्यो कतारका अमिरको नेपाल भ्रमण ?

नेपाल-कतार द्विपक्षीय वार्ता : नेपालमा लगानी गर्न प्रधानमन्त्रीको आग्रह

छनोट उपसमिति गैरकानुनी भन्दै पर्यटन बोर्ड सीईओ छनोट तत्काल रोक्न अदालतको आदेश

हिमालयन हाइड्रो एक्स्पोको चौथो संकरण सुरु, विद्युत् खपत बढाउने उद्देश्य

लगानी बढाउन रसियाका उद्योगीलाई परिसंघको आग्रह, ३ संस्थासँग समझदारी