काठमाडौं । नेपाल राष्ट्र बैंकले बैंकको उपदान तथा पेन्सन कोषमा रहेको ५५ करोड रुपैयाँ लगानीको आव्हान गरेको छ । आज राष्ट्र बैंकले एक सूचना जारी गर्दै बैंकको उपदान तथा पेन्सन कोषमा रहेको रकम लागनी गर्नको लागि बैंक तथा वित्तीय संस्थाहरुलाई आव्हान गरेको हो ।

बैंक तथा वित्तीय संस्थाहरुले फागुन मसान्तसम्म फाराम भरेर लगानीको लागि आवेदन दिन सक्नेछन् । राष्ट्र बैंकले बैंकको उपदान तथा सुरक्षण कोष अन्तर्गत रहेको रक लगानी गर्नको लागि क वर्गका वाणिज्य बैंकहरुका लागि २० करोड, ख वर्ग अर्थात विकास बैंकहरुका लागि ३ करोड ७५ लाख र ग वर्गका वित्तीय संस्थाहरुका लागि १ करोड २५ लाख रुपैयाँ लगानी गर्न आव्हान गरेको हो ।

यस्तै, राष्ट्र बैंकले बैंकको कर्मचारी सुरक्षण कोष अन्तर्गत रहेको २५ करोड रुपैयाँ पनि लागनी गर्ने योजना बनाएको छ । राष्ट्र बैंकले वाणिज्य बैंकहरुलाई २४ करोड, विकास बैंकहरुलाई ४ करोड ५० लाख र वित्तीय संस्थाहरुलाई १ करोड ५० लाख रुपैयाँ लगानी गर्नको लागि छुट्याएको छ ।

यस्तै राष्ट्र बैंकले लगानी गर्न चाहने बैंक तथा वित्तीय संस्थाहरुका लागि विभिन्न सर्तहरु पनि राखेको छ । लगानी गर्न चाहने बैंक तथा वित्तीय संस्था सञ्चालनमा आएको दुई वर्ष हुनु पर्ने, बैंकबाट तोकिएको न्यूनतम पुँजीकोष भएको, निष्कृय कर्जा कुल कर्जा सापटीको ५ प्रतिशतभन्दा कम भएको लगायतका सर्तहरु राखेको छ ।

सम्बन्धित शिषर्कहरु

बैंकरका सामू राष्ट्र बैंक स्तब्ध

प्रशान्ति वृद्धाश्रम केन्द्र सुर्खेतलाई सिटिजन्स बैंकको सहयोग

५९० मेगावाटका जलविद्युत आयोजनामा सिटिजन्स बैंकको लगानी, १३ वटा प्रोजेक्टमा नेतृत्व

संस्थापकहरूले ‘स्टार्टअप ब्रान्डिङ’ मा गर्ने यी १० गल्ती जसका कारण डुब्छ व्यवसाय

कुमारी बैंकको ४ लाख ५० हजार कित्ता संस्थापक सेयर बिक्रीमा, न्यूनतम मूल्य कति ?

यी हुन् लगानी सम्मेलनमा निजी क्षेत्रबाट सोकेस गरिने ३१ परियोजना, कुन क्षेत्रबाट कति ?