काठमाडौं । सवारी चालक अनुमति पत्र (ड्राइभिङ लाइसेन्स) अनलाइन आवेदन भर्न लागू गरिएको कोटा प्रणाली हट्ने भएको छ । बिहीबारदेखी यातायात व्यवस्था विभागले सिस्टम परिमार्जन गर्ने तयारी गरेको हो । अब सेवाग्राहिले चाहेकै समयमा अनलाइन आवेदन दिन सक्नेछन् ।

यातायात व्यवस्था विभाले सबै तयारी पूरा भए बिहीबारदेखी नत्र आइतबारबाट औपचारिक रुपमा कोटा प्रणाली हटाउने तयारी गरिरहेको छ । ‘हामीले सर्भरको क्षमता बढाउने, लोड म्यानेजमेन्ट गर्ने काम गरिरहेका छौं ।’ यातायात व्यवस्था विभागका महानिर्देशक गोगनबहादुर हमालले भने । यसअघि अनलाइन फर्म भर्दा हरेक दिन कोटा प्रणाली लागु गरिएको थियो । अधिकांस समय सर्भर डाउन हुने र कोटा प्रणालीले गर्दा समस्यामा भएको सेवाग्राहीहरुको गुनासो थियो ।

यातायात व्यवस्था विभागले गत पुष १० गते एउटा सूचना जारी गर्दै १४ गतेदेखी आवेदन खुलाएको थियो । कोभिड १९ को महामारीका कारण सवारी चालक अनुमति पत्र वितरण लामो समयदेखी बन्द गरिएको थियो ।

फर्म कसरी भर्ने ?
यातायात व्यवस्था विभागको वेवसाइट https://www.dotm.gov.np/  मा गएर लाइसेन्सको लागी अनलाइन फर्म भर्न सकिनेछ । वेवसाइट क्लिक गरेपछि दाया साइडमा महत्वपूर्ण लिंकहरु देखिन्छ । त्यसभित्र रहेको अनलाइन सवारी चालक अनुमतिपत्र प्रणाली लिंकमा क्लिक गरेर फर्म भर्न सकिन्छ । त्यसपछि व्यक्तिगत विवरण भरेर नजिकैको परीक्षा केन्द्र छानेर सबमिट गर्ने । एप्लिकेन्ट सेभ्ड सक्सेफुल्ली देखिन्छ । त्यसमा ओके क्लिक गर्ने ।

अन्त्यमा प्रिन्टमा क्लिक गरेपछि तपाईंको फारम भरिनेछ । त्यसै पेपरमा तपाईंको बायोमेट्रिकका लिनका लागि समय तोकिएको हुन्छ । उक्त समयमा बायोमेट्रिकको आवेदक फारम, आफ्नो नागरिकता र अन्य कागजात साथमा राखेर यातायात कार्यालय पुग्नुपर्छ । लिखित परीक्षामा असफल भएमा ९० दिनसम्म अर्को फर्म भर्न नपाइने व्यवस्था गरिएको छ ।

सम्बन्धित शिषर्कहरु

बीमकलाई प्राधिकरणले भन्यो : भ्रम सिर्जना नगरी दावी भुक्तानी सुरु गर्नुस्

त्रिविका कानुनी सल्लाहकार खनाललाई कारबाही नगर्न आदेश

उपनिर्वाचनको मौन अवधि आज रातिदेखि सुरु, प्रचारप्रसार गर्न निषेध

बैंकरका सामू राष्ट्र बैंक स्तब्ध

टीभीएस अपाचेको आरटीआर १६० सार्वजनिक, मूल्य तीन लाख बढी

चिया निर्यातमा भारतीय अवरोध हट्यो