२०७७ पुष २९ गते ११:२८ विकासन्युज
काठमाडौं । स्वावलम्बन लघुवित्त वित्तीय संस्थाको प्रस्तावित लाभांश नेपाल राष्ट्र बैंकले स्वीकृत गरेको छ । राष्ट्र बैंकले कम्पनीको गत आर्थिक वर्ष २०७६/७७ को नाफाबाट सेयरधनीलाई २० प्रतिशत लाभांश वितरण गर्ने प्रस्तावलाई स्वीकृत गरेको हो ।
पुस ३ गते बसेको बैंक सञ्चालक समितिको बैठकले गत आवको नाफाबाट चुक्ता पुँजीको १९ प्रतिशत बोनस र कर प्रयोजनको लागि १ प्रतिशत नगद गरी सो मात्राको लाभांश प्रस्ताव गरेको थियो ।
जसलाई राष्ट्र बैंकले पुस २८ गते मात्र स्वीकृत गरेको नेप्सेले जानकारी गराएको छ । यससँगै उक्त लाभांशलाई लघुवित्तको आगामी साधारण सभाले पारित गरेपछि मात्रै सेयरधनीले सो मात्राको लाभांश पाउने छन् ।
Copyright © 2024 Bikash Media Pvt. Ltd.