काठमाडौं । प्राइम लाइफ इन्स्योरेन्स कम्पनीले चार दिनमै मृत्यु दाबी भुक्तानी गरेको छ । कम्पनीले स्वर्गीय प्रेम बहादुर क्षेत्रीको परिवारलाई जीवन बीमा बापतको मृत्यु दाबी भुक्तानी रकम कागजात पुरा भएको ४ दिनमा हस्तान्तरण गरेको हो ।

स्वर्गीय क्षेत्री अर्घाखाँचीको सितापुरमा स्थायी घर भई सन्धिखर्क न.पा. १,मा इलेक्ट्रोनिक्स व्यवसाय गर्दै आएका थिए । उनको कोरोना कोभिड १९का कारण युनिभर्सल मेडिकल कलेज भैरहवामा उपचारकै क्रममा मंसिर ३ गते मृत्यु भएको थियो । मृत्यु पश्चात निजकी श्रीमती केसरा क्षेत्रीले मंसीर २४ गते कम्पनीमा निवेदन दिएकी थिइन् र आवश्यक सम्पूर्ण कागजात पुस १६ गते पुरा गरेकी थिइन् ।

उनले प्राइम लाइफ इन्स्योरेन्स कम्पनीमा दुई लाख एक हजार रुपैयाँको बीमा गरेका थिए । उनले कम्पनीमा ३ किस्ता बापत ४९ हजार रुपैया मात्र बुझाएका थिए । उनको मृत्यु पश्चात मृत्यु दाबी भुक्तानी वापतको रकम दुई लाख ३७ हजार ९ सय ८४ रुपैयाँ मध्ये निजको यस वर्षको किस्ता रकम भुक्तानी नगरेकोले सो बापतको रकम १६ हजार ३५२ रुपैया कट्टा गरी बाँकी दुई लाख २१ हजार ६ सय ३२ रुपैयाँ मात्र कम्पनीले मृतककी श्रीमती केसरा क्षेत्रीको बैंक खातामा पुस २० गते सिधै भुक्तानी गरेको कम्पनीको अर्घाखाँची कार्यालयका प्रमुख नारायण घिमिरेले जानकारी दिए ।

कार्यक्रममा बोल्दै प्रमुख घिमिरेले उत्कृष्ठ जीवन बीमा सेवालाई शिरोधार्य गर्दै ग्राहकलाई जीवन बीमा सेवामा खुशी र सन्तुष्टि कम्पनीको प्रमुख दायित्व हो र प्राइम लाइफ इन्स्योरेन्सले छिटो, छरितो, सरल, सहज र उत्कृष्ठ बीमा सेवा प्रदान गर्दै आएको बताए ।

दावीकर्ताले कम्पनीमा आवश्यक कागजात पुरा उपलब्ध गराएमा बीमा कम्पनीहरुले सहजै भुक्तानी गर्ने बताएका थिए । उक्त कार्यक्रममा दावी भुक्तानी प्राप्त गरेकी क्षेत्रीले यो रकमबाट बाँकी जीवन बालबच्चाको अध्ययन र भविष्यका लागी लगाउने बताइन् ।

सम्बन्धित शिषर्कहरु

फास्ट ट्रयाक तोकिएकै समयमा बनिसक्छ, हालसम्म लागत बढेको छैनः प्रधान सेनापति शर्मा

सचिव मरासिनीसहित ८ जनाले पाए सफाइ, सुनिल पौडेल दोषी ठहर

स्वास्थ्य बीमाबारे भ्रामक सूचनाको भर नपर्न स्वास्थ्य मन्त्रालयको अनुरोध

फास्ट ट्रयाक समयमै सम्पन्न गर्न समितिको सरकारलाई निर्देशन

बन्द भएका उद्योग सञ्चालन गर्न सरकारले नयाँ नीति ल्याउँछ : मन्त्री भण्डारी

गत वर्ष सडकमार्गबाट चार लाख पर्यटक मुस्ताङ पुगे