काठमाडौं । युनाईटेड इदी-मर्दी एण्ड आर बि हाईड्रोपावरले निष्काशन गरेको प्राथमिक सेयर(आईपीओ) आगामी आइतबार (मंसिर १४ गते) बाँडफाँड हुने भएको छ । उक्त सेयरको बाँडफाँड सो दिन दिउँसो ४ बजे हुने सेयर निष्काशन तथा बिक्री प्रबन्धक ग्लोबल आईएमई क्यापिटलको कार्यालय जमलमा हुने भएको हो ।

बिक्री प्रबन्धक ग्लोबल आईएमई क्यापिटलले सेयर निष्काशन बन्द भएकाे सातादिनमै बाँडफाँड गर्न लागेकाे हाे ।

कम्पनीले गत मंसिर ३ गतेदेखि मंसिर ७ गतेसम्म ८ लाख ७३ हजार ९१० कित्ता सेयर निष्काशन तथा बिक्री खुल्ला गरेको थियो । जसमा कम्पनीले माग गरेकाे भन्दा बढी आवेदन परेकाे थियाे ।

क्यापिटलकाे पछिल्लाे जानकारी अनुसार यस अवधिमा कुल ५ लाख ४१ हजार २६३ जना आवेदकले कम्पनीको ९४ लाख ९८ हजार ४ सय कित्ता सेयरको लागि आवदेन दिएका छन् । यससँगै उक्त सेयरमा ९४ करोड ९८ लाख ४० हजार रुपैयाँ बराबरको आवेदन परेको हो ।

यससँगै ८१ हजार २७३ जनाले मात्र कम्पनीकाे आईपीओ हात पार्नेछन् । र, बाँकी ४ लाख ५९ हजार ९८९ जनाकाे भने हात खाली हुने भएकाे छ ।

कम्पनीले आयोजना प्रभावित क्षेत्रका स्थानिय बासिन्दाहरुको लागि चुक्ता पुँजीको १० प्रतिशतले हुने ४ लाख २० हजार कित्ता सेयर छुट्याएको थियो । जसमध्ये एक लाख ७६ हजार ९० कित्ता सेयर बाँडफाँड गर्दा २ लाख ४६ हजार ९१० कित्ता सेयर बाँकी रहेको छ । त्यसैले सर्वसाधारणको लागि छुट्याएको ६ लाख ३० हजार कित्ता सेयरमा उक्त बिक्री नभएको २ लाख ४६ हजार ९१० कित्ता सेयर गरी कूल ८ लाख ७३ हजार ९१० कित्ता साधारण सेयर निष्काशन गरेकाे हाे ।

जसमध्ये सामूहिक लगानी कोषमा ४३ हजार ६९६ कित्ता सेयर बाँडफाँड गरेपश्चात ८ लाख १२ हजार ७३६ कित्ता सेयर बाँकी रहेको छ । र, कर्मचारीहरुको लागि १७ हजार ४७८ कित्ता सेयर सुरक्षित गरिएको कम्पनीले जनाएको छ ।

सम्बन्धित शिषर्कहरु

भिटामिन ए खुवाउने अभियान सञ्चालन (फोटोफिचर)

लघुवित्त संस्थाहरूको खराब कर्जा बढेका कारण प्रतिफल घट्यो

व्यापारी राज कुन्द्राको १ अर्बकाे सम्पत्ति जफत, शिल्पा शेट्टीको फ्ल्याटमा पनि ताला

अष्ट्रेलियाको बेरोजगारी दर ३.८ प्रतिशतले वृद्धि

लगानी सम्मेलनमा ३६ देशका ४६२ लगानीकर्ता सहभागी हुने, चीनबाट सबैभन्दा धेरै

दक्षिण एसियामै स्वच्छ ऊर्जाका लागि नेपालको भूमिका महत्वपूर्ण छ : अर्थमन्त्री पुन