२०७७ मंसिर ८ गते १४:४२ नबिन पाेखरेल
काठमाडौ । नेपाल लाइफ इन्स्योरेन्स कम्पनीले चालु आर्थिक वर्षको पहिलो त्रैमास (साउनदेखि असोज मसान्तसम्म) मा ८ अर्ब ९२ करोड रुपैयाँ खुद बीमाशुल्क संकलन गरेको छ ।
कम्पनीले गत आर्थिक वर्षको पहिलो ३ महिनामा ७ अर्ब ८१ करोड रुपैयाँ बीमाशुल्क संकलन गरेको थियो । गत आर्थिक वर्षको सोही अवधिको तुलनामा कम्पनीले चालु आर्थिक वर्षको तीन महिनामा झण्डै १ अर्ब रुपैयाँ बीमा शुल्क बढी संकलन गरेको छ ।
पहिलो त्रैमासमा नेपाल लाइफको नाफा २२ करोड ९० लाख रुपैयाँ रहेको छ । कम्पनीले गत आर्थिक वर्षको पहिलो त्रैमासमा २० करोड ४४ लाख रुपैयाँ नाफा गरेको थियो । कोरोना महामारीको बीचमा पनि चालु आर्थिक वर्षको पहिलो त्रैमासमा कम्पनीले नाफा बढाएको छ ।
चालु आर्थिक वर्षको पहिलो त्रैमासमा ३१ करोड २९ लाख रुपैयाँ आम्दानी गरेको कम्पनीले सोही अवधिमा ८ करोड ३९ लाख रुपैयाँ खर्च गरेको छ । गत वर्ष पहिलो त्रैमासमा कम्पनीले ३९ करोड २२ लाख आम्दानी गरेको कम्पनीले सोही अवधिमा १८ करोड ७८ लाख रुपैयाँ खर्च गरेको थियो ।
हाल नेपाल लाइफको चुक्ता पूँजी ५ अर्ब ४९ करोड रुपैयाँ रहेको छ । यस्तै, कम्पनीको जगेडा कोषमा ३ अर्ब ६६ करोड रुपैयाँ छ । जीवन बीमा कोषमा भने ९४ अर्ब ८२ करोड रुपैयाँ रहेको छ । महाविपत्ती कोषमा कम्पनीको ६० करोड ८० लाख रुपैयाँ रहेको छ ।
कम्पनीको प्रमुख कार्यकारी अधिकृतको जिम्मेवारीमा रहेर चार्टर्ड एकाउन्टेन्ट सन्तोष प्रसाईंले व्यवस्थापकीय टीमको नेतृत्व गरिरहेका छन् ।
Copyright © 2024 Bikash Media Pvt. Ltd.
Bonus dinu pareo 2 year ko Ali dherai
नाफा मात्रै भएर भएन बोनस को रेट नि बढ्नु पर्यो नि