२०७७ कार्तिक २७ गते १२:०८ विकासन्युज
काठमाडौं । अजोड इन्स्योरेन्सले चालु आर्थिक वर्ष २०७७/७८ को पहिलो तीन महिनामा उल्लेख्य नाफा आर्जन गरेको छ । इन्स्योरेन्सकाे वित्तीय विवरण अनुसार कम्पनीले साे अवधिमा ५ करोड ३० लाख रुपैयाँ खुद नाफा आर्जन गरेकाे छ । जुन अघिल्लो आर्थिक वर्षको सोहि अवधिकाे तुलनामा ४ कराेड ५३ लाख रूपैयाँले बढी हाे ।
कम्पनीले गत आवकाे पहिलाे तीन महिनामा ७७ लाख ९७ हजार रूपैयाँ खुद नाफा कमाएकाे थियाे ।
कम्पनीले चालु आर्थिक वर्षको पहिलो त्रैमासमा ११ करोड ५६ लाख रुपैयाँ खुद बीमाशुल्क आर्जन गरेको छ । जुन गत वर्षको पहिलो त्रैमासमा ७ करोड ९५ लाख रुपैयाँ रहेकाे थियाे ।
कम्पनीको चुक्ता पुँजी १ अर्ब रुपैयाँ रहेको छ । कम्पनीको जगेडा कोषमा ६ करोड ९६ लाख रुपैयाँ रहेको छ भने बीमा कोषमा ८ करोड रुपैयाँ रहेको छ । त्यस्तै, कम्पनीकाे प्रतिसेयर आम्दानी ५.३० रूपैयाँ र प्रतिसेयर नेटवर्थ ११६.७२ रूपैयाँ रहेकाे छ ।
इन्स्योरेन्सले ३५ हजार ९५२ वटा बीमालेख जारी गरी कुल ३३ करोड १८ लाख रुपैयाँ बीमा शुल्क आर्जन गरेको छ । यस अवधिमा २ हजार ८७९ बीमालेख नविकरण भएका छन् ।
कम्पनीले ५९७ वटा दाबी वापत ६ करोड १९ लाख रुपैयाँ भुक्तानी गरेको छ भने ५४२ दाबीका लागि १२ करोड ११ लाख रुपैयाँ भुक्तानी गर्न बाँकी छ ।
Copyright © 2024 Bikash Media Pvt. Ltd.