काठमाडौं । विश्वव्यापी रूपमा फैलिएकाे कोरोना भाइरस (काेभिड १९) संक्रमणकाे पीडा, वालबालिकाकाे चाहाना र माेवाइल बैकिङ सुविधाले दिएकाे खुशी समेटेर नबिल बैंकले तयार पारेको सन्देशमूलक भिडियो भाइरल बनेको छ । डिजिटल बैंकिङ्गलाई प्रवद्र्धन गर्नको लागि तयार पारेको भिडियो सामाजिक सञ्जालमा भाइरल बनेको हो ।

बैंकले दशैंको पहिलो दिन अर्थात घटस्थापनाको दिन उक्त भिडियो सार्वजनिक गरेको थियो । सार्वजनिक भएको पहिलो दिनमै उक्त भिडियोले धेरैको मन जित्न सफल भएको थियो । सार्वजनिक भएको दुई दिन नबित्दै ३ लाख बढीले साे भिडियाे हेरिसकेका छन् ।

यो लेख तयार पार्दासम्म नबिल बैंकको फेसबुक पेजमा अपलोड भएको उक्त भिडियो ३ लाख १९ हजार बढीले हेरेका छन् । त्यस्तै, ८ हजार जनाले उक्त भिडियो मन पराएका छन् भने ३ हजार बढीले मन पराएर सेयर गरेका छन् ।

उक्त सन्देशमूलक भिडियो कम बजेट र थोरै समयमा बनाइएको नबिल बैंकका ल्यायबिलिटी म्यानेजमेन्ट हेड कृष्ण सुवेदीले बताएका छन् ।

‘कोरोना महामारीको अवस्थामा आम नागरिकलाई के कसरी सन्देश दिने भन्नेका साथै बैंकको प्रमोट कसरी भन्नेमा थियौं । र, यो अवस्थामा यो भिडियो बनायौं । छोटो समय र कम लागतमा बनेको यो भिडियोले छोटो समयमै आम नागरिकको मन जित्न सफल भएको छ’, उनले उत्साहित हुँदै विकासन्युजसँग भने ।

के छ त भिडियोमा ?

भिडियोमा आमा (सुधा), बुबा  र छोरी (दिवस्ना)को अभिनय मार्फत ग्राहक तथा आम नागरिकलाई सन्देश दिन खोजिएको छ । जसमा बुबालाई कोरोना संक्रमण भएको देख्न सकिन्छ । बुबालाई कोरोना संक्रमण पुष्टि भएसँगै परिवारमा अर्थात आमा छोरी मानसिक तनावमा भएपनि आमाले छोरीलाई सान्त्वना दिन खोज्छिन् ।

यससँगै, छोरीले आफूमा भएको पीडा साथीसँग सेयर गर्दै यसपाली दशैं आएको जस्तो नलागेको बताउँछिन् । र, साथीले पनि केही हुँदैन भन्दै उनलाई सान्त्वना दिन खोज्छिन् ।

छोरीले साथीसँग गरेको सबै कुरा बुबाले आईसोलेशनबाटै सुनिरहेका हुन्छन् । र, उनले डेभिट कार्ड तथा डिजिटल बैंकिङ मार्फत छोरीलाई नयाँ लुगा अर्डर गर्छन् ।

डिजिटल बैंकिङमार्फत होम डेलिभरी गरेको सामान छोरीले रिसिभ गर्छिन् । आफूलाई नयाँ लुगा देखेपछि छोरी मख्ख पर्दै आमासँग अँगालोमा बाधिन्छिन् । तर, लुगा किनिदिने आफ्नु बुबासँग भने त्यसरी खुशी साट्न सक्दिनन् । कारण थियो कोरोना पोजेटिभ ।

यति मै दुई हप्ता बित्छ । दशैंको टिकाको दिन हुन्छ । आमा छोरी टिका लगाउने सुरसार गरिरहेका हुन्छन् । यतिकैमा बुबाको रिपोर्ट नेगेटिभ आउँछ र तीनै जना खुसीयाली साथ दशैं मनाउँछन् । र, बुबाले छोरीलाई दक्षिणा पनि नगद नदिएर मोबाइल बैंकिङ्ग मार्फत नै दक्षिणा दिन्छन् ।

भिडियाेमा काेभिड संक्रमण हुँदा परिवारबीचकाे सम्बन्ध कस्ताे हुनुपर्छ भन्ने सन्देश पनि दिइएकाे छ । ३ मिनेट २६ सेकेण्डको उक्त भिडियाेले काेमल हृदय भएका मान्छेकाे आँखाबाट आँसु खसाउने छ । र, क्षणभरमै खुशी पनि दिन्छ ।

यस्ताे छ भिडियाे 

सम्बन्धित शिषर्कहरु

महासंघमा संयोजकको जिम्मा सापकोटालाई, प्राथमिकतामा व्यवसायीका समस्या समाधान

ऐसले फर्निचर शोरुम अब नेपालमा, नयाँ युगको शुरुवात गर्ने (फोटो फिचरसहित)

फास्ट ट्रयाक तोकिएकै समयमा बन्छ, लागत बढेको छैनः प्रधान सेनापति

१० बैंकको २० अर्ब वितरणयोग्य नाफा ऋणात्मक

सचिव मरासिनीसहित ८ जनाले पाए सफाइ, सुनिल पौडेल दोषी ठहर

फास्ट ट्रयाक समयमै सम्पन्न गर्न समितिको सरकारलाई निर्देशन