२०७७ असोज १२ गते १७:०९ विकासन्युज
काठमाडौं । नेपाल राष्ट्र बैंकले पुनर्कर्जाका लागि आवेदन दिने समय थप गरेको छ । राष्ट्र बैंकले आज एक सूचना जारी गर्दै समय थप गरेको बताएको हो ।
राष्ट्र बैंकका अनुसार अब असोज मसान्तसम्म पुनर्कर्जाका लागि आवेदन दिन सकिनेछ । यसअघि राष्ट्र बैंकले पुनर्कर्जा कार्यविधि जारी गरी पहिलोपटक असोज १४ गतेसम्म आवेदन दिने म्याद तोकेको थियो ।
तर भदौमा जारी निषेधाज्ञा भएपछि समयावधि थप गरिएको बताइएको छ । राष्ट्र बैंकले पुनर्कर्जा कार्यविधि जारी गर्दै लघु, घरेलु तथा साना उद्यम पुनर्कर्जा, साधारण पुनर्कर्जा तथा विशेष पुनर्कर्जा बैंक तथा वित्तीय संस्थालाई एकमुष्ट रुपमा उपलब्ध गराउने र बैंकहरुले व्यवसायीलाई प्रदान गर्नेगरी आवेदन माग गरेको थियो ।
Copyright © 2024 Bikash Media Pvt. Ltd.