उद्योगी अग्रवालसहित यी हुन् सरकारबाट विभूषित भएका उद्योगी व्यवसायी
२०७७ असोज ३ गते २०:४३ विकासन्युज
काठमाडौं । सरकारले आज विभिन्न उद्योगी तथा व्यवसायीहरुलाई सम्मानित तथा विभूषित गरेको छ । पाँचौं संविधान दिवसको अवसरमा सरकारले एक दर्जनभन्दा बढी उद्योगी व्यवसायीहरुलाई विभूषित गरेको हो । उनीहरुलाई सरकारले मानपदवी, अलंकार र पदकले विभुषित गरेको हो ।
उद्योगी तथा शंकर ग्रुपका अध्यक्ष शंकरलाल अग्रवाल प्रबल जनसेवा श्री(चतुर्थ)बाट विभूषित भएका छन् । शंकर ग्रुपले गत आर्थिक वर्ष २०७६/७७ मा मात्रै आफ्नो सबै व्यवसायबाट १८ अर्ब रुपैयाँ सरकारलाई राजस्व तिरेको थियो ।
यस्तै, नेपाल उद्योग वाणिज्य महासंघका उपाध्यक्ष उमेशलाल श्रेष्ठ पनि सुप्रबल जनसेवा श्री पदकबाट विभुषित भएका छन्। उनी क्वेष्ट फर्मास्यूटिकल्सका प्रबन्ध निर्देशक हुन् । औंषधि उद्याेगकाे क्षेत्रमा याे अग्रणी उद्याेगकाे रूपमा स्थापित रहेकेा छ ।
महासंघका कार्यकारिणी सदस्य भरत आचार्यले पनि राष्ट्रपतिबाट संविधान दिवसको अवसरमा विभुषण पदक प्राप्त गरेका छन् । युवा उद्यमी आचार्यकाे नेतृत्वमा एक दर्जन भन्दा बढी उद्याेग सञ्चालनमा छन् । महासंघका कार्यकारिणी सदस्य तथा सुन व्यवसायी ज्योत्सना श्रेष्ठले पनि विभुषण पाएकी छिन् ।
युवा उद्यमी चिराग गोयल, चन्द्र प्रकाश खेतान, व्यवसायी लाक्टा फुर्टि शेर्पा, बिमलमान श्रेष्ठ लगायत पनि सम्मानित भएका छन् । संबिधान दिवसको अवसरमा सरकारले ५ सय ८६ जनालाई विभिन्न मानपदवी, अलंकार र पदकद्वारा विभूषित भएका छन् ।
सम्बन्धित शिषर्कहरु
Copyright © 2024 Bikash Media Pvt. Ltd.