२०७७ असोज १ गते १६:२७ विकासन्युज
काठमाडाैं । नेपालमा पछिल्लो २४ घन्टामा नेपालमा थप १२ सय ४६ जनामा कोरोना भाइरस संक्रमण भएकाे छ । स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले २४ घन्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको जानकारी दिएका हुन् ।
यो सहित नेपालमा कोरोना संक्रमित हुनेको संख्या ५९ हजार ५ सय ७३ जना पुगेको छ ।
हाल क्वारेन्टिनमा ७ हजार ८ सय ८३ जना रहेका छन् भने आजसम्म ८ लाख ८२ हजार ९ सय १५ जनाको पीसीआर विधिबाट परीक्षण भएको छ । यस्तै आज १२४३ जना निकाे भएसँगैं हालसम्म ४२ हजार ९ सय ४९ जना निकाे भएर घर गइसकेका छन ।
पछिल्लाे २४ घण्टामा ४ जनाकाे मृत्यु भएसँगै नेपालमा मृत्यु हुनेकाे संख्या ३८३ पुगेकाे छ ।
Copyright © 2024 Bikash Media Pvt. Ltd.