काठमाडौं । नेपाल बैंकले नाफा २ अर्ब ५५ करोड खुद नाफा आर्जन गरेको छ । असार मसान्तको वित्तीय विवरण प्रकाशित गर्दै बैंकले सेयरधनीलाई वितरणयोग्य नाफा २ अर्ब १० करोड रुपैयाँ रहेकाे जनाएकाे छ ।

बैंकको सेयर पुँजी ११ अर्ब २८ करोड रुपैयाँ छ । गत वर्षको नाफा र सेयर प्रिमियमसमेतलाई हेर्दा बैंकले सेयरधनीलाई नगद र बोनस दुबै लाभांश दिने सम्भावना रहेको छ । सेयर प्रिमियम रकम १ अर्ब ७८ करोड रुपैयाँ छ । उक्त रकम बैंकले बोनस सेयरमार्फत मात्र वितरण गर्नसक्छ ।

बैंकको सेयर पुँजी, सेयर प्रिमियम, अवितरित नाफा, संचित कोष सहितसहित कुल पुँजी ३० अर्ब १८ करोड छ । अर्थात ३० अर्ब १३ करोड रुपैयाँ पुँजी परिचालन गरेर बैंकले २ अर्ब ५५ करोड रुपैयाँ नाफा गरेकाे हो ।

बैंकको सञ्चालन नाफा ३ अर्ब ५६ करोड रुपैयाँ छ । गैर सञ्चालन नाफा २७ करोड ५८ लाख रुपैयाँ थपेर बैंकले कर अघिको नाफा ३ अर्ब ८४ करोड आर्जन गरेको छ ।

बैंकको पुँजी पर्याप्तता अनुपात १६.६८ प्रतिशत रहेको छ । खराव कर्जा अनुपात २.५९ प्रतिशत छ । निक्षेप कर्जा अनुपात ६५ प्रतिशत छ । बेसरेट ६.९९ प्रतिशत छ भने स्प्रेडदर ३.७० प्रतिशत रहेको छ ।

सम्बन्धित शिषर्कहरु

युनिक नेपाल लघुवित्तको १ लाख ४० हजार कित्ता संस्थापक सेयर बिक्रीमा

अर्थमन्त्रीले लिए बजेटबारे ७ पूर्वअर्थमन्त्रीसँग सुझाव

बीमकलाई प्राधिकरणले भन्यो : भ्रम सिर्जना नगरी दावी भुक्तानी सुरु गर्नुस्

त्रिविका कानुनी सल्लाहकार खनाललाई कारबाही नगर्न आदेश

बैंकरका सामू राष्ट्र बैंक स्तब्ध

टीभीएस अपाचेको आरटीआर १६० सार्वजनिक, मूल्य तीन लाख बढी